മുംബൈ സിറ്റി എഫ്‌സിക്കെതിരെ 78-ാം മിനിറ്റിൽ സുനിൽ ഛേത്രി നേടിയ ഗോളിന് പിന്നാലെ ബെംഗളൂരു എഫ്‌സി ആരാധകർ ‘ദയവായി കളി നിർത്തി പോകരുത്’ എന്ന് ആക്രോശിക്കുന്നത് കണ്ടു. സുനിൽ ഛേത്രിയുടെ ഗോളിന് പിന്നാലെ ഇറങ്ങിപ്പോയ കേരള ബ്ലാസ്റ്റേഴ്സിനും പരിശീലകൻ ഇവാൻ വുകൊമാനോവിച്ചിനും എതിരെയുള്ള വിമർശനമായിരുന്നു ഈ ചാന്റ്.
ഐ എസ് എല്‍ ഒന്നാം സെമിയിലെ ആദ്യ പാദത്തില്‍ മുംബൈ സിറ്റി എഫ് സിക്കെതിരെ ബെംഗളൂരു എഫ് സി ജയം സ്വന്തമാക്കിയിരുന്നു. എതിരില്ലാത്ത ഒരു ഗോളിനാണ് ബെംഗളൂരു മത്സരം സ്വന്തമാക്കിയത്. 78-ാം മിനുട്ടില്‍ സുനില്‍ ഛേത്രിയാണ് ബെംഗളൂരുവിനായി സ്‌കോര്‍ ചെയ്തത്.
ഇതോടെ ഐ എസ് എല്‍ ഫൈനലിലേക്ക് ബെംഗളൂരു എഫ് സി ഒരു ചുവട് കൂടി അടുത്തു. ഈ സീസണിൽ ഇത് രണ്ടാം തവണയാണ് മുംബൈ ബാംഗ്ലൂരിന് മുന്നിൽ കീഴടങ്ങുന്നത്. വിന്നേഴ്സ് ഷിൽഡ്‌ ജേതാക്കളായ മുംബൈ തുടർച്ചയായ ജയങ്ങൾ നേടിയുള്ള യാത്ര അവസാനിപ്പിച്ച് അവസാന മത്സരങ്ങൾ പലതിലും തോൽവിയെറ്റ് വാങ്ങുക ആയിരുന്നു.
കേരള ബ്ലാസ്റ്റേഴ്‌സുമായി നടന്ന മത്സരത്തിൽ ഫ്രീകിക്ക് വിസിലിന് മുമ്പ് തന്നെ ഛേത്രി ഗോളടിക്കുക ആയിരുന്നു. ആ ഗോൾ റദ്ദാക്കണം എന്ന കേരളത്തിന്റെ ആവശ്യം കേൾക്കാതെ ഇരുന്നതോടെയാണ് ടീം കളിക്കളം വിട്ടത്. ഇന്നലെ വീണ്ടും ഛേത്രി ഗോൾ നേടിയപ്പോൾ കേരളത്തിന്റെയും മുംബൈയുടെയും ആരാധകരെ ട്രോളി ബാംഗ്ലൂർ ആരാധകർ” ഛേത്രി പിന്നെയും ഗോൾ നേടി, സ്റ്റേഡിയം വിടരുത്” എന്ന അഭ്യർത്ഥന പറഞ്ഞത്.