ഇന്ന് നടന്ന കോപ്പ അമേരിക്കൻ ടൂർണമെന്റിൽ ബൊളീവിയയെ 5-0 തോല്പിച്ച് തകർപ്പൻ ജയം നേടി ഉറുഗ്വേ. നിലവിൽ അർജന്റീനയും ബ്രസീലും ആണ് കപ്പ് നേടാൻ മുൻപന്തിയിൽ ഉള്ളത്. എന്നാൽ ഈ രണ്ടു ടീമുകൾക്കും ഒരു ഭീഷണിയായി തീരാൻ സാധ്യത ഉള്ള ടീം ആണ് ഉറുഗ്വേ. ആദ്യം മുതലേ ആധിപത്യം സ്ഥാപിച്ചിരുന്ന ഇവർ 8 ആം മിനിറ്റിൽ തന്നെ ഗോൾ നേടി തുടക്കം കുറിച്ചിരുന്നു. ആദ്യ പകുതി അവസാനിച്ചപ്പോൾ 2 – 0 എന്ന നിലയിൽ ആയിരുന്നു കളി അവസാനിച്ചത്.
രണ്ടാം പകുതിയിൽ ബൊളീവിയ കുറെ ഷോട്ടുകൾക്ക് പരീക്ഷണം നടത്തിയെങ്കിലും ഫലം കാണാനായില്ല. കളിയുടെ 60 ശതമാനവും പൊസഷൻ ഉറുഗെയുടെ കൈയിൽ ആയിരുന്നു. മികച്ച മുന്നേറ്റം ബൊളീവിയ നടത്തിയെങ്കിലും ഉറുഗെയ് പ്രധിരോധ ഭടന്മാർ അത് തടഞ്ഞിരുന്നു. ഉറുഗെയ്ക്ക് വേണ്ടി എഫ്. പെല്ലിസ്ട്രി, ഡി. ന്യൂനെസ് ,എം. അറൗജോ, എഫ്. വാൽവെർഡെ ,ആർ. ബെൻ്റാൻകൂർ എന്നിവർ ചേർന്നാണ് ഗോളുകൾ നേടിയത്. ഗ്രൂപ്പ് മത്സരത്തിൽ ഇവരാണ് മുൻപിൽ നിൽക്കുന്നത്.
ഇന്നത്തെ മത്സരത്തോടു കൂടി കോപ്പ അമേരിക്കയിലെ അടുത്ത ഘട്ടമായ ക്വാട്ടർ ഫൈനലിലേക്ക് പ്രവേശിച്ചിരിക്കുകയാണ് ഉറുഗ്വേ ടീം. ഗ്രൂപ്പിൽ ഒന്നാമത് നിൽക്കുന്ന ടീമിന്റെ അവസാന മത്സരം ജൂലൈ 1 യുഎസ്‌ഐയുമായിട്ടാണ്.
നിലവിൽ കോപ്പ കപ്പ് അടിക്കാൻ സാധ്യത കൂടുതൽ ഉള്ള ടീമുകൾ ആണ് അർജന്റീനയും ബ്രസീലും, എന്നാൽ ഇന്ന് ബൊളീവിയയെ നല്ല മാർജിനിൽ തോല്പിച്ചത് കൊണ്ട് ഉറുഗ്വേ ടീമിനും കപ്പ് നേടാൻ ഉള്ള സാദ്ധ്യതകൾ കൂടി നിൽക്കുകയാണ്.
Read more
