2021 ഇൽ സൂപ്പർ താരം ക്രിസ്റ്റ്യാനോ റൊണാൾഡോ തിരികെ മാഞ്ചസ്റ്റർ യുണൈറ്റഡിലേക്ക് പോയിരുന്നു. എന്നാൽ അവിടെ അധിക നാൾ താരത്തിന് നിൽക്കാൻ സാധിച്ചിരുന്നില്ല. ക്ലബ് അംഗങ്ങളുമായും താരങ്ങളുമായും ഉണ്ടായ അഭിപ്രായഭിന്നത മൂലം പെട്ടന്ന് തന്നെ ക്രിസ്റ്റ്യാനോ ക്ലബിൽ നിന്നും പോയിരുന്നു. നിലവിൽ റൊണാൾഡോ സൗദി ലീഗിലാണ് കളിച്ചുകൊണ്ടിരിക്കുന്നത്.
എന്നാൽ ക്രിസ്റ്റ്യാനോയുമായി ബന്ധപ്പെട്ട ഒരു വാർത്ത പ്രമുഖ ഇംഗ്ലീഷ് മാധ്യമമായ ദി സൺ പുറത്ത് വിട്ടിട്ടുണ്ട്. അതായത് മാഞ്ചസ്റ്ററിലെ ഒരു ഡോക്ടർ അദ്ദേഹത്തിനെതിരെ നിയമ നടപടി സ്വീകരിച്ചിട്ടുണ്ട്. റോഷൻ രവീന്ദ്രൻ എന്ന കോസ്മെറ്റിക് ഡോക്ടറാണ് ക്രിസ്റ്റ്യാനോ റൊണാൾഡോക്കെതിരെ കേസ് നൽകിയിട്ടുള്ളത്. തരാനുള്ള പണം തിരികെ ലഭിക്കാത്തതിനാലാണ് കേസ്.
ഇഗ്ലണ്ടിലെ വളരെയധികം പ്രശസ്തനായ ഡോക്ടറാണ് റോഷൻ. ഒരുപാട് സെലിബ്രിറ്റികൾ അദ്ദേഹത്തിന്റെ അടുക്കലായിരുന്നു ട്രീറ്റ്മെന്റ് ചെയ്തിരുന്നത്. റൊണാൾഡോ മാഞ്ചസ്റ്ററിൽ ഉണ്ടായിരുന്ന സമയം ഈ ഡോക്ടറുടെ സേവനമായിരുന്നു ഉപയോഗപെടുത്തിയിരുന്നത്. കൂടാതെ റൊണാൾഡോയുടെ ഭാര്യയും ഒപ്പം ഉണ്ടായിരുന്നു. എന്നാൽ നാളുകൾ ഏറെയായിട്ടും ട്രീറ്റ്മെന്റിന്റെ പണം റൊണാൾഡോ ഇത് വരെ നൽകിയിട്ടില്ല. അതിന്റെ പേരിലാണ് റോഷൻ രവീന്ദ്രൻ താരത്തിന് നേരെ കേസ് ഫയൽ ചെയ്തത്.
Read more
ഏകദേശം 40,000 പൗണ്ട് ആണ് റോഷൻ രവീന്ദ്രന് റൊണാൾഡോ നൽകാനുള്ളത്. ഇംഗ്ലണ്ടിലെ കോടതിയിൽ അത് ഇപ്പോൾ പുരോഗമിച്ചുകൊണ്ടിരിക്കുകയാണ്. പേഷ്യന്റിന്റെ പേര് വെളിപ്പെടുത്താൻ താൻ ആഗ്രഹിക്കുന്നില്ല എന്ന് റോഷൻ രവീന്ദ്രൻ പറഞ്ഞിരുന്നു. എന്നാൽ അത് റൊണാൾഡോയാണ് എന്നുള്ള കാര്യം കണ്ടെത്തിയത് ഇംഗ്ലീഷ് മാധ്യമങ്ങളാണ്. എന്തായാലും കേസ് ഒത്ത് തീർപ്പാക്കാനാണ് കോടതിയുടെ തീരുമാനം.
