ഡല്‍ഹി ഡൈനാമോസ് പരിശീലകന്‍ മിഗ്വയില്‍ പോര്‍ച്ചുഗലിന് കുറിക്കു കൊള്ളുന്ന മറുപടിയുമായി ബ്ലാസ്റ്റേഴ്സ് പരിശീലകന്‍ ഡേവിഡ് ജെയിംസ്. ടീമിന്റെ നിലവാരം വെച്ചു നോക്കുമ്പോള്‍ ഡല്‍ഹി ഇപ്പോഴുള്ള സ്ഥാനത്തിന് പോലും യോഗ്യരല്ല എന്ന് ഡേവിഡ് ജെയിംസ് പറഞ്ഞു.പോയിന്റ് പട്ടികയില്‍ ഏറ്റവും പിന്നിലാണ് ഡല്‍ഹിയുടെ സ്ഥാനം എന്നതാണ് ശ്രദ്ധേയം.
നേരത്തെ ബ്ലാസ്റ്റേഴ്സിനെതിരെ ആഞ്ഞടിച്ച് ഡല്‍ഹി പരിശീലകന്‍ മിഗ്വയ്ല്‍ പോര്‍ച്ചുഗല്‍ രംഗത്തെത്തിയിരുന്നു. ബ്ലാസ്റ്റേഴ്സ് ഡല്‍ഹിക്കെതിരെ കളിച്ചത് ഫുട്ബോളെ അല്ലെന്നാണ് പോര്‍ച്ചുഗല്‍ അഭിപ്രായപ്പെട്ടത്. മത്സരത്തില്‍ ഒരു ടീം മാത്രമേ ഫുട്ബോള്‍ കളിച്ചുള്ളു. അതു ഡല്‍ഹിയാണ്. ഒരു ടീം മൂന്നു ഗോളടിച്ചു, മത്സരം ജയിച്ചു. എന്നാല്‍ മത്സരത്തില്‍ കൂടുതല്‍ മികച്ച അവസരമുണ്ടാക്കിയതും വിജയിക്കാന്‍ സാധ്യതയുണ്ടായിരുന്നതും ഡല്‍ഹിക്കായിരുന്നു എന്നാണ് പോര്‍ച്ചുഗല്‍ അഭിപ്രായപ്പെട്ടത്.
Read more
ഇന്ന് മുംബൈക്കെതിരെ നടക്കുന്ന മത്സരം വിജയിക്കാനാവുമെന്ന പ്രതീക്ഷയും ഡേവിഡ് ജെയിംസ് പങ്കുവെച്ചു. മുംബൈ മികച്ച ടീമാണ്. അവരുടെ കളിരീതി വ്യത്യസ്തമാണ്. മികച്ച ടീമായത് കൊണ്ടാണ് പോയിന്റ് പട്ടികയില്‍ അവര്‍ മുന്നിലുള്ളത്. കഴിഞ്ഞ മത്സരത്തിലെ വിജയം ടീമിനെ ആത്മവിശ്വാസത്തിലെത്തിച്ചെന്നും അദ്ദേഹം പറഞ്ഞു. മുംബൈക്കെതിരായുള്ള മത്സരത്തിനു മുമ്പായി സംസാരിക്കുകയായിരുന്നു ഡേവിഡ് ജെയിംസ്.
