ഇന്ത്യന്‍ സൂപ്പര്‍ ലീഗില്‍ ജംഷഡ്പൂര്‍ എഫ്‌സിയുമായുളള മത്സരത്തിനിടെ പരിക്കേറ്റ ബ്ലാസ്റ്റേഴ്‌സ സൂപ്പര്‍ താരം കിസിറ്റോയുടെ ഉടന്‍ മടങ്ങിവരുമെന്ന് പ്രതീക്ഷിക്കുന്നതായി പരിശീലകന്‍ ഡേവിഡ് ജയിംസ്. ഗോള്‍ ഡോട്ട് കോമിനോടാണ് ജയിംസ് ഇക്കാര്യം വെളിപ്പെടുത്തിയത്.
“കിസീറ്റോയാണ് ഞങ്ങളുടെ പോരാളി, അദ്ദേഹത്തിന് ആദ്യ പകുതിയില്‍ തന്നെ പരുക്കേറ്റത് കാര്യങ്ങള്‍ കൂടുതല്‍ വഷളാക്കി, ഡോക്ടറോടും ടീം ഫിസിയോ അംഗങ്ങളോടും ഞാന്‍ സംസാരിക്കുന്നുണ്ട്, അദ്ദേഹം ഉടന്‍ തിരിച്ചു വരുമെന്ന് പ്രതീക്ഷിക്കുന്നു” ഡേവിഡ് ജെയിംസ് ഗോള്‍ ഡോട്ട് കോമിനോട് പറഞ്ഞു.
ജംഷഡ്പൂരുമായുളള മത്സരത്തിന്റെ ആദ്യ പകുതിയില്‍ മെമോ വെച്ച ഒരു ടാക്കിളില്‍ ആണ് കിസീറ്റോക്ക് തോളിനു പരിക്കേറ്റത്. ഫൗളിന്റെ ആഘാതത്തില്‍ ഇടത് തോള്‍ കുത്തി വീണതാണ് കിസിറ്റോയ്ക്ക് വിനയായത്.
ഇതോടെ ബാന്‍ഡേജ് കെട്ടി കളിക്കളത്തിലേക്ക് തിരിച്ചെത്താന്‍ കിസ്റ്റോ ശ്രമിച്ചെങ്കിലും ഏറെ വൈകാതെ പവലിയനിലേക്ക് മടങ്ങേണ്ടി വന്നു. ലോകേന്‍ മീട്ടോ ആണ് കിസറ്റോയ്ക്ക് പകരക്കാരനായി ഗ്രൗണ്ടിലിറങ്ങിയത്.
Read more
ഡല്‍ഹിക്കെതിരെയും മുംബൈക്കെതിരെയും ബ്ലാസ്റ്റേഴ്സ് ജയിച്ച മത്സരങ്ങളില്‍ തകര്‍പ്പന്‍ പ്രകടനമാണ് കിസീറ്റോ കാഴ്ച്ച വെച്ചത്. പൂണെയ്‌ക്കെതിരെയായിരുന്നു കിസിറ്റോ ആദ്യമായി ബ്ലാസ്റ്റേഴ്സ് നിരയില്‍ പന്തുതട്ടിയത്.
