ലോകകപ്പ് കളിച്ച ഇന്ത്യന് അണ്ടര് 17 ടീം ഗോള് കീപ്പര് ധീരജ് സിംഗിനെ തേടി ഇംഗ്ലീഷ് പ്രീമിര് ലീഗിലെ രണ്ടാം ഡിവിഷന് ക്ലബ് ബ്ലാക്ക് ബേണ് റോവേഴ്സിസ്. പ്രമുഖ സ്പോര്ട്സ് വെബ് സൈറ്റായ ഗോള് ഡോട്ട് കോം ആണ് ഇക്കാര്യം റിപ്പോര്ട്ട് ചെയ്തത്.
ബ്ലാക്ക് ബേണില് മൂന്ന് മാസത്തെ പരിശീലനത്തിന് ശേഷമായിരിക്കും ഇന്ത്യന് യുവതാരവുമായി ബ്ലാക്ക് ബേണ് കരാറില് ഒപ്പിടുക. ഇതോടെ ധീരജ് സിംഗ് ഇന്ത്യന് ഫുട്ബോള് അസോസിയേഷനുമായി കരാറില് ഒപ്പിടില്ല.
നിലവില് ഐലീഗ് ക്ലബായ ആരോസിന്റെ താരമാണ് ധീരജ് സിംഗ്. ഇതിനിടെയാണ് ഇന്ത്യയുടെ അണ്ടര് 17 ലോകകപ്പ് കളിച്ച താരം കൂടിയായ ധീരജ് സിംഗിന് ഇംഗ്ലീഷ് വമ്പന്മാരില് നിന്നും ഓഫര് ലഭിച്ചിരിക്കുന്നത്. എ ഐ എഫ് എഫുമായുള്ള കരാര് അവസാനിച്ച് എന്.ഒ.സി സര്ട്ടിഫിക്കറ്റ് ലഭിച്ചാല് ധീരജിന് ബ്ലാക്ക്ബേണിലേക്ക് മാറാം.
നേരത്തെ ധീരജ് സിംഗിനെ സ്വന്തമാക്കാന് കേരള ബ്ലാസ്റ്റേഴ്സ് ഉള്പ്പെടെയുള്ള നിരവധി ഐ എസ് എല് ക്ലബ്ബുകള് രംഗത്ത് ഉണ്ടായിരുന്നെങ്കിലും ധീരജ് ബ്ലാക്ക്ബേണില് ചേരാന് തീരുമാനിക്കുകയായിരുന്നു.
Read more
അതെസമയം ഇന്ത്യന് അണ്ടര് 17 കാപ്റ്റിയന് അമര്ജിത്,മലയാളി താരം കെ പി രാഹുല് എന്നിവര് എ ഐ എഫ് എഫുമായി കരാരിലെത്തി. ഇവര് ഐലീഗില് ഇന്ത്യന് ആരോസിനായി കളിക്കും.