ഖത്തര്‍ ലോക കപ്പിനുള്ള യോഗ്യതക്ക് വേണ്ടിയുള്ള യൂറോപ്യന്‍ പ്ലേഓഫ് ചിത്രം തെളിഞ്ഞു. പ്ലേഓഫ് യോഗ്യത നേടിയ 12 ടീമുകളില്‍ നിന്ന് മൂന്ന് ടീമുകളാണ് പ്ലേഓഫില്‍ നിന്ന് ഖത്തര്‍ ലോക കപ്പിലേക്ക് പറക്കുക. 12 ടീമുകളെ 3 പാതകളിലേക്കായി തിരിച്ചു. ഇതില്‍ ഇറ്റലിയും പോര്‍ച്ചുഗലും ഒരേ പാതത്തിലാണ്. അതിനാല്‍ ഇതിലൊരു ടീമിനെ ഖത്തറിലേക്ക് പറക്കാനാകൂ.
ഇതനുസരിച്ച് പാത്ത് സിയില്‍ പ്ലേഓഫ് സെമി ഫൈനലില്‍ നോര്‍ത്ത് മാസിഡോണിയയെ ആണ് ഇറ്റലി ആദ്യം നേരിടുക. ഈ കളിയില്‍ വിജയിക്കുന്ന ടീമിനെ, പോര്‍ച്ചുഗല്‍-തുര്‍ക്കി മത്സരത്തിലെ വിജയി നേരിടും. സെമി ജയിച്ച് പോര്‍ച്ചുഗലും ഇറ്റലിയും എത്തിയാല്‍ ഫൈനലില്‍ ഇരുവരും കൊമ്പുകോര്‍ക്കണം. ഫൈനലില്‍ ജയിക്കുന്ന ടീമാണ് ഖത്തറിലേക്ക് ടിക്കറ്റ് നേടുക.
പാത്ത് എ
സെമി-ഫൈനല്‍ 1: സ്‌കോട്‌ലാന്‍ഡ് vs ഉക്രൈന്‍
സെമി-ഫൈനല്‍ 2: വെയില്‍സ് vs ഓസ്ട്രിയ
പാത്ത് ബി
സെമി-ഫൈനല്‍ 3: റഷ്യ vs പോളണ്ട്
സെമി-ഫൈനല്‍ 4: സ്വീഡന്‍ vs ചെക്ക് റിപ്പബ്ലിക്ക്
പാത്ത് സി
സെമി-ഫൈനല്‍ 5: ഇറ്റലി vs നോര്‍ത്ത് മാസിഡോണിയ
സെമി-ഫൈനല്‍ 6: പോര്‍ച്ചുഗല്‍ vs തുര്‍ക്കി