ഇംഗ്ലീഷ് പ്രീമിയര്‍ ലീഗ് ചാംപ്യന്‍മാരായ ചെല്‍സിയും വൈരികളായ ആഴ്‌സണലും നേര്‍ക്കുനേര്‍ വന്ന കിടിലന്‍ പോരാട്ടത്തില്‍ രണ്ടു ഗോളുകള്‍ വീതമടിച്ച് സമനിലയായെങ്കിലും ആരാധകര്‍ക്ക് പറയാനുള്ളത് മറ്റൊരു കാര്യമാണ്. ചെല്‍സിയുടെ സെസ്‌ക്ക് ഫാബ്രിഗാസും ആഴ്‌സണിലിന്റെ അലെക്‌സി സാഞ്ചസും കളിക്കിടയില്‍ കെട്ടിപ്പിടിച്ചതാണ് ആരാധകര്‍ക്ക് പറയാനുള്ളത്. മത്സരത്തിന് മുമ്പും ശേഷവുമാണ് സാധാരണ താരങ്ങള്‍ തമ്മില്‍ ആശ്ലേഷിക്കുന്നത് കണ്ടിട്ടുള്ളത്. ഇത്, മത്സരത്തിന്റെ ഏറ്റവും വീറുറ്റ സമയത്ത് നടന്നതാണ് സോഷ്യല്‍ മീഡിയയിലും മറ്റും കയ്യടിച്ച് ആരാധകര്‍ രംഗത്തെത്തിയിരിക്കുന്നത്.
ചെല്‍സിയുടെ ബോക്‌സില്‍ നിന്നും ഫാബ്രിഗാസിനെ ടാക്കിള്‍ ചെയ്ത സാഞ്ചസ് റഫറിയുടെ വിസില്‍ കേട്ട് ദേഷ്യപ്പെട്ടപ്പോഴാണ് ഫാബ്രാഗാസ് സാഞ്ചസിനെ ആശ്ലേഷിച്ച് തണുപ്പിച്ചത്. എന്തായാലും, ഇരു താരങ്ങളുടെയും പ്രവര്‍ത്തനം സോഷ്യല്‍ മീഡിയയ്ക്ക് ഇന്നത്തേക്കുള്ള വകനല്‍കിയിട്ടുണ്ട്.
ജനുവരി ട്രാന്‍സ്ഫര്‍ വിന്‍ഡോയില്‍ സാഞ്ചസ് ആഴ്‌സണല്‍ വിട്ടേക്കുമെന്ന ഊഹാപോഹങ്ങള്‍ ഇതുമായി കൂട്ടിക്കെട്ടാനും ആരാധകര്‍ മടിച്ചില്ല. നേരത്തെ ഇരു താരങ്ങളും ബാഴ്‌സലോണയ്ക്കായി കളിച്ചിരുന്നു.
ആഴ്‌സണലിന്റെ തട്ടകമായ എമിറേറ്റ്‌സില്‍ നടന്ന മത്സരത്തില്‍ ജാക്ക് വില്‍ഷെയര്‍, ഹെക്ടര്‍ ബെല്ലറിന്‍ എന്നിവര്‍ ഗണ്ണേഴ്‌സിന് വേണ്ടി വലചലിപ്പിച്ചപ്പോള്‍ എഡ്വിന്‍ ഹസാര്‍ഡ്, മാര്‍ക്കോസ് അലോന്‍സോ മെന്‍ഡോസ എന്നിവരാണ് ബ്ലൂസിന് വേണ്ടി ലക്ഷ്യം കണ്ടത്.