സ്റ്റേഡിയത്തില്‍ എത്തുമ്പോഴേ ആരെ ക്യാപ്റ്റനാക്കണമെന്ന് തീരുമാനിക്കൂ എന്ന് പോര്‍ച്ചുഗല്‍ പരിശീലകന്‍ ഫെര്‍ണാണ്ടോ സാന്റോസ്. ദക്ഷിണ കൊറിയക്കെതിരായ ഗ്രൂപ്പ് ഘട്ടത്തിലെ അവസാന മത്സരത്തില്‍ ക്രിസ്റ്റ്യാനോയുടെ ആംഗ്യം വിവാദമായതിന്റെ പശ്ചാത്തലത്തിലാണ് സാന്റോസിന്റെ പ്രതികരണം.
എനിക്കത് ഇഷ്ടപ്പെട്ടില്ല. പക്ഷേ, അത് പരിഹരിച്ചു. സ്റ്റേഡിയത്തില്‍ എത്തുമ്പോഴേ ആരെ ക്യാപ്റ്റനാക്കണമെന്ന് തീരുമാനിക്കൂ. ലൈനപ്പ് എങ്ങനെയാവുമെന്ന് പോലും അറിയില്ല. അങ്ങനെയാണ് ഞാന്‍ ഏപ്പോഴും ചെയ്യാറുള്ളത്. എപ്പോഴും ചെയ്യാറുള്ളത് തന്നെ ചെയ്യും- ഫെര്‍ണാണ്ടോ സാന്റോസ് പറഞ്ഞു.
തന്നെ സബ് ചെയ്തപ്പോള്‍ ഒരു ദക്ഷിണ കൊറിയന്‍ താരം വേഗം കേറിപ്പോവാന്‍ തന്നോട് പറഞ്ഞു എന്നും അത് പറയാന്‍ അയാള്‍ക്ക് അധികാരമില്ലാത്തതിനാലാണ് താന്‍ അങ്ങനെ ചെയ്തതെന്നുമാണ് വിവാദത്തോട് ക്രിസ്റ്റ്യാനോ പ്രതികരിച്ചത്.
ഇന്ന് നടക്കുന്ന പ്രീ ക്വാര്‍ട്ടര്‍ മത്സരത്തില്‍ സ്വിറ്റ്‌സര്‍ലന്‍ഡാണ് പോര്‍ച്ചുഗലിന്റെ എതിരാളികള്‍. ഇന്ത്യന്‍ സമയം രാത്രി 12.30 നാണ് മത്സരം.
