കോസ്റ്ററിക്കന്‍ ഫുട്ബോള്‍ താരം ജീസസ് ആല്‍ബെര്‍ട്ടോ ലോപസ് ഒര്‍ട്ടിസിനെ (ചുച്ചോ) മുതല കടിച്ചുകൊന്നു. വടക്കുകിഴക്കന്‍ കോസ്റ്ററിക്കന്‍ നഗരമായ സാന്റ ക്രൂസിലാണ് ദാരുണസംഭവം.
ജൂലൈ 29നാണു സംഭവം. നിറയെ മുതലകളുണ്ടായിരുന്നു നദിയില്‍ താരം കുളിക്കാനായി ഇറങ്ങുകയായിരുന്നു. നദിയിലേക്കു ചാടിയതിനു പിന്നാലെ ഒരു മുതല താരത്തെ വിഴുങ്ങിയതായി ദൃക്സാക്ഷികളെ ഉദ്ധരിച്ച് കോസ്റ്ററിക്കന്‍ മാധ്യമമായ ‘ദി ടിക്കോ ടൈംസ്’ റിപ്പോര്‍ട്ട് ചെയ്തു.
നാട്ടുകാര്‍ അറിയച്ചതിനെ തുടര്‍ന്ന് പൊലീസ് എത്തി മുതലയെ വെടിവെച്ച് കൊന്നെങ്കിലും ചുച്ചോയുടെ ജീവന്‍ രക്ഷിക്കാനായില്ല.
താരത്തിന്റെ ശരീരഭാഗങ്ങള്‍ മുതല അകത്താക്കി. അവശേഷിച്ച ഭാഗങ്ങള്‍ മാത്രമാണു പുറത്തെടുക്കാനായത്.
കോസ്റ്ററിക്കന്‍ ഫുട്ബോള്‍ ലീഗായ അസെന്‍സോ ലീഗിലെ ഡിപോര്‍ട്ടിവോ റിയോ കനാസ് ക്ലബിന്റെ താരമാണ് ചുച്ചോ.