വാഹനാപകടത്തിൽ തലയ്ക്ക് ഗുരുതരമായി പരിക്കേറ്റിരുന്ന കൊളംബിയ മുൻ ക്യാപ്റ്റൻ ഫ്രെഡി റിങ്കൺ മരിച്ചു. കൊളംബിയക്കായി ഏറ്റവും കൂടുതൽ ലോകകപ്പ് മത്സരങ്ങൾ കളിച്ചിട്ടുള്ള താരമെന്ന റെക്കോർഡ് കാർലോസ് വാൽഡറാറാമയുമായി പങ്കിടുന്ന താരമായിരുന്നു. കൊളംബിയയിലെ കാലിയിൽ തിങ്കളാഴ്ച പുലർച്ചെ ഫ്രെഡി റിങ്കൺ ഓടിച്ചിരുന്ന കാർ ബസുമായി കൂട്ടിയിടിക്കുക ആയിരുന്നു.
മുൻ റയൽ മാഡ്രിഡ് മിഡ്‌ഫീൽഡർ കൂടിയായ താരം കൊളംബിയക്കായി 17 ഗോളുകൾ നേടിയിട്ടുണ്ട്. ടീമിനായി 1990 , 1994 , 1998 ലോകകപ്പുകളിൽ പങ്കെടുത്തിട്ടുണ്ട്. ഫിഫ ക്ലബ് ചാമ്പ്യൻഷിപ്പിൽ കൊരിന്ത്യൻസിനെ കിരീടത്തിലേക്ക് എത്തിക്കുന്നതിൽ നിർണായക പങ്ക് വഹിച്ചിട്ടുണ്ട്.
” ഞങ്ങൾക്ക് ഞങ്ങളുടെ ഇതിഹാസത്തെ നഷ്ടപ്പെട്ട്” കൊരിന്ത്യൻസ് ട്വിറ്ററിൽ കുറിച്ചു.