ലക്സംബർഗിനെതിരായ പോർച്ചുഗലിന്റെ വൻ വിജയത്തിൽ സ്കോർ ചെയ്‌തതിന് ശേഷം തന്റെ രണ്ട് ഐതിഹാസിക ആഘോഷങ്ങൾ കൂടിച്ചേർന്ന ആഘോഷം നടത്തി ക്രിസ്റ്റ്യാനോ റൊണാൾഡോ ലോകമെമ്പാടുമുള്ള ആരാധകരെ ആവേശത്തിലാക്കി. റോബർട്ടോ മാർട്ടിനെസിന്റെ പോർച്ചുഗൽ ഞായറാഴ്ച രാത്രി (മാർച്ച് 26) അവരുടെ രണ്ടാമത്തെ മത്സരത്തിനായി ഇറങ്ങി. ക്യാപ്റ്റൻ ക്രിസ്റ്റ്യാനോ റൊണാൾഡോ രണ്ട് മികച്ച ഗോളുകൾ നേടി, ടീം ഏകപക്ഷീയമായ 6 ഗോളുകൾക്കാണ് മത്സരത്തിലെ ജയം സ്വന്തമാക്കിക്കിയത്.
റൊണാൾഡോയുടെ ഇരട്ട ഗോളുകൾക്ക് പുറമേ, ജോവോ ഫെലിക്സ്, ബെർണാഡോ സിൽവ, ഒട്ടാവിയോ, റാഫേൽ ലിയോ എന്നിവരുടെ ഗോളുകളാണ് പോർച്ചുഗലിനെ വമ്പൻ ജയത്തിലേക്ക് നയിച്ചത്. ലക്സംബർഗിനെതിരായ മത്സരത്തിന്റെ ഒൻപതാം മിനുറ്റിൽ ക്രിസ്റ്റ്യാനോ റൊണാൾഡോയിലൂടെയായിരുന്നു പോർച്ചുഗൽ ഗോളടി തുടങ്ങിയത്. ഗോൾ അടിച്ച ശേഷമാണ് താൻ പ്രശസ്തമാക്കിയ ” സിയു” ആഘോഷവും കൈകൾ നെഞ്ചിന് നേരെ വെച്ചുള്ള സ്ലീപ് ആഘോഷവും ചേർന്ന് റൊണാൾഡോ ആഘോഷം നടത്തിയത്. സാധാരണ ഇതിൽ ഏതെങ്കിലും ഒന്ന് കാണിക്കുന്ന റൊണാൾഡോ ഇത്തവണ രണ്ടും ഒരുമിച്ച് കാണിക്കുക ആയിരുന്നു,
പുതിയ, ഹൈബ്രിഡ് ആഘോഷം ആരാധകർ ഏറ്റെടുത്ത് കഴിഞ്ഞു. ചിലർ EA സ്‌പോർട്‌സിനോട് ഇത് അവരുടെ ഫിഫ ഗെയിമിലേക്ക് ചേർക്കാൻ ആവശ്യപ്പെടുന്നു. എന്തായാലും ഇപ്പോൾ അൽ നാസറിനായിട്ടും പോർച്ചുഗലിന് വണ്ടിയും ഗോളുകൾ അടിച്ചുകൂട്ടുന്ന റൊണാൾഡോ മികച്ച ഫോമിലാണ്.