ഇന്ത്യന് സൂപ്പര് ലീഗില് മിന്നും ഫോമിലേക്ക് തിരിച്ചെത്തിയ കേരള ബ്ലാസ്റ്റേഴ്സ് താരം ഇയാന് ഹ്യൂമുമായി ആരാധകര്ക്ക് സംവദിക്കാമെന്ന ഐഎസ്എല്ലിന്റെ ഔദ്യോഗിക അക്കൗണ്ടില് നിന്നും വന്ന ട്വീറ്റ് ആവേശത്തോടെയാണ് ആരാധകര് ഏറ്റെടുത്തത്. തങ്ങളുടെ പ്രിയപ്പെട്ട താരവുമായി സംവദിക്കാനുള്ള അവസരത്തിനായി മഞ്ഞപ്പടയുള്പ്പടെയുള്ള ആരാധകര് കാത്തിരിക്കുകയും ചെയ്തു.
.@Humey_7 will be taking your questions! So get going, send them in using #AskISLHero!#LetsFootball pic.twitter.com/IJOaayJ6g1
— Indian Super League (@IndSuperLeague) January 18, 2018
എന്നാല്, ആരാധകരുടെ കാത്തിരുപ്പ് വെറുതെയായി. ഐഎസ്എല് അധികൃതരുടെ പ്രഖ്യാപനം വെറുംവാക്കായിരുന്നു. ആരാധകരുമായി സംവദിക്കാന് തങ്ങളുടെ പ്രിയപ്പെട്ട ഹ്യൂമേട്ടന് എത്തിയില്ല. സങ്കടത്തിലായ ആരാധകര്ക്കിടയില് ഇതോടെ പലകാര്യങ്ങളും പ്രചരിക്കാന് തുടങ്ങി. എന്നാല്, ഇതിനെല്ലാം പരിഹാരമായി ഹ്യൂം തന്നെ രംഗത്തെത്തിയിരിക്കുകയാണ്.
Would’ve been nice to know about this! Sorry to all who asked questions, but we’ve been travelling all back to Kochi from Jamshedpur all day! If/when I get told, I’d be more than happy to answer for you all! Let me know next time please @IndSuperLeague & @KeralaBlasters 😳 https://t.co/fSoeUIVzWM
— Iain Hume (@Humey_7) January 18, 2018
Read more
ട്വിറ്ററിലൂടെ ഹ്യൂം ഇക്കാര്യത്തില് വ്യക്തത വരുത്തിയത്. ക്ഷമാപണത്തോടെയാണ് ട്വീറ്റ് തുടങ്ങിയ ഹ്യൂം ജംഷഡ്പൂരില് നിന്ന് കൊച്ചിയിലേക്കുള്ള യാത്രയിലായിരുന്നു താനെന്നും അതാണ് ആരാധകരുടെ ചോദ്യങ്ങള്ക്ക് ഉത്തരം നല്കാന് കഴിയാതിരുന്നതെന്നും പറഞ്ഞു അതേസമയം, ആരാധകരുമായി ഇങ്ങനെയൊരു സംവാദത്തെക്കുറിച്ച് തനിക്ക് അറിവൊന്നും ലഭിച്ചിരുന്നില്ലെന്നും താരം വ്യക്തമാക്കി. ഇങ്ങനെയൊരു സംഭവം ഉണ്ടായിരുന്നെങ്കില് ഏറ്റവും കൂടുതല് സന്തോഷിക്കുന്നത് താനായിരുന്നെന്നും ഇനിയൊരിക്കല് ഇങ്ങനെ ഒന്നുണ്ടെങ്കില് തന്നെ അറിയിക്കണമെന്നും ഹ്യൂം ട്വീറ്റില് പറയുന്നുയ