കേരള ബ്ലാസ്റ്റേഴ്സിന്റെ മഞ്ഞക്കുപ്പായത്തില്‍ കാനഡയില്‍ നിന്നുമെത്തിയ ഇയാന്‍ ഹ്യൂമിനെ കാണുമ്പോള്‍ ആരാധകര്‍ക്ക് എന്നും ആവേശമാണ്. ഹ്യൂമിന്റെ മൊട്ടത്തലയോടുള്ള ബ്ലാസ്റ്റേഴ്‌സ് ആരാധകരുടെ പ്രേമം ഹ്യൂമേട്ടനായും ഇപ്പോഴിതാ ഹ്യൂം പാപ്പനായും ഉയര്‍ന്നിരിക്കുന്നു. കഴിഞ്ഞ രണ്ട് മത്സരങ്ങളോടെ പഴയ പ്രതാപം കേരള ബ്ലാസ്റ്റേഴ്‌സ് വീണ്ടെടുത്തിരിക്കുന്നുവെങ്കില്‍ അതില്‍ ഹ്യൂമിന്റെ പങ്ക് നിര്‍ണായകമാണ്.
ഇഷ്ടമുള്ളവരെ കൊണ്ട് മലയാളം പറയിപ്പിക്കുന്നത് മലയാളികളുടെ സ്ഥിരം പരിപാടിയാണ്. അത് ഇവിടെ ഹ്യൂമിനോടും തുടര്‍ന്നിരിക്കുകയാണ്. ചോരകണ്ട് അറപ്പമാറിയവനാണീ ഹ്യൂമേട്ടനെന്ന ഡയലോഗാണ് ഹ്യൂം ഒരു ചാനല്‍ അഭിമുഖത്തിനിടെ അവതാരക പറഞ്ഞുകൊടുത്തത് അനുസരിച്ച് പറഞ്ഞത്.
https://www.facebook.com/keralablasters/videos/2002467030039281/
Read more
ഡല്‍ഹിയുമായുള്ള മത്സരത്തില്‍ ഹാട്രിക്കടിച്ച് മികവിലാണ് ഹ്യൂമേട്ടന്റെ മലയാളം ഡയലോഗ്. അതിന് ശേഷം മുംബൈക്കെതിരേ നടന്ന മത്സരത്തിലും കേരള ബ്ലാസ്റ്റേഴ്സിന്റെ വിജയ ഗോള്‍ ഹ്യൂമിന്റെ ബൂട്ടില്‍ നിന്നാണ് പിറന്നത്. മാത്രമല്ല, ഐഎസ്എല്‍ ഒന്‍പതാം വീക്കിലെ ഗോള്‍ ഓഫ് ദി വീക്ക് അവാര്‍ഡും ഹ്യൂമിനെ തേടിയാണ് എത്തിയത്.
