എഎഫ്സി ഏഷ്യൻ കപ്പ് യോഗ്യതാ മത്സരത്തിനുള്ള ഇന്ത്യൻ ഫുട്ബോൾ ടീമിനെ തിരഞ്ഞെടുക്കാൻ പരിശീലകൻ ഇഗോർ സ്റ്റിമാച്ച് ജ്യോതിഷിയുടെ സഹായം തേടിയതായി റിപ്പോർട്ടുകൾ പുറത്ത് വരുന്നു. ഡൽഹിയിലെ ജ്യോതിഷിയായ ഭൂപേഷ് ശർമയുടെ സഹായത്തോടെയാണ് ഇന്ത്യൻ പരിശീലകൻ പ്ലേയിങ് ഇലവനെ കണ്ടെത്തിയതെന്ന് എഐഎഫ്എഫ് ജനറൽ സെക്രട്ടറിയായിരുന്ന കുശാൽ ദാസ് വെളിപ്പെടുത്തി. ഓൾ ഇന്ത്യ ഫുട്ബോൾ ഫെഡറേഷൻ വഴിയാണ് ഇന്ത്യൻ പരിശീലകൻ ജ്യോതിഷിയെ പരിചയപ്പെടുത്തിയത്.
ആ സമയത്ത് അതിനിർണായകമായ അഫ്ഗാനിസ്ഥാനെതിരെ മത്സരം നടക്കുക ആയിരുന്നു. പരിശീലകനെ സംബന്ധിച്ച് ആ മത്സരത്തിൽ ജയിക്കേണ്ടത് അത്യാവശ്യമായിരുന്നു. 2022 ജൂൺ 11 നായിരുന്നു മത്സരം. മത്സരത്തിൽ തനിക്ക് പറ്റിയ ഒരു ഇലവനെ വേണം എന്നതായിരുന്നു പരിശീലകന്റെ ആവശ്യം. ആരൊക്കെ ടീമിൽ കളിക്കണം, ആരെ ഒഴിവാക്കണം, ഏത് തന്ത്രത്തിൽ കളത്തിൽ ഇറങ്ങണം, ഇതൊക്കെ പരിശീലകൻ ചോദിച്ചു. അപ്പോൾ “ഈ താരങ്ങളെ ഇൻ കളത്തിൽ ഇറക്കണം”, “ഇവരെ ഒരു കാരണവശാലും ഒഴിവാക്കരുത്”, “ആത്മവിശ്വാസം കൂട്ടാൻ ഇത് ചെയ്യണം” തുടങ്ങി ഒരുപിടി ഉപദേശങ്ങൾ ജ്യോതിഷി നൽകുകയും ചെയ്തു. ആ നിർദേശ പ്രകാരം പ്രമുഖരായ രണ്ട് താരങ്ങളെ പരിശീലകൻ ഒഴിവാക്കുകയും ചെയ്തു.
സുനിൽ ഛേത്രി, സഹൽ അബ്‍ദുൾ സമദ് തുടങ്ങിയവരാണ് ഇന്ത്യ ഒന്നിനെതിരെ രണ്ട് ഗോളുകൾക്ക് ജയിച്ച മത്സരത്തിലെ സ്‌കോററുമാർ. മത്സരത്തിലെ തന്ത്രങ്ങളും ഉപദേശങ്ങളും എല്ലാം ഇന്ത്യക്ക് നൽകിയത് ജ്യോതിഷി ആയിരുന്നു. പരിശീലകനും ജ്യോതിഷിയും തമ്മിൽ നടത്തിയ ചാറ്റുകൾ പുറത്തുവന്നിട്ടുണ്ട്. ഓൾ ഇന്ത്യ ഫുട്ബോൾ ഫെഡറേഷൻ ജ്യോതിഷിക്ക് 12 ലക്ഷമാണ് പ്രതിഫലം നൽകിയത്.
എന്തായാലും മത്സരം ഇന്ത്യ ജയിച്ചതിനാൽ ഈ തുകയൊന്നും വലിയ കാര്യമല്ല കുശാൽ ദാസ് പറഞ്ഞു. എന്തായാലും ജ്യോതിഷി ഇന്ത്യയുടെ പരിശീലകൻ ആകട്ടെ ഉൾപ്പടെ ട്രോളുകൾ ഇപ്പോൾ സജീവമാണ്.