ഒരു കാലത്ത് ഏറ്റവും കൂടുതൽ മികച്ച താരങ്ങൾ ഉള്ള ക്ലബ് ആയിരുന്നു പിഎസ്ജി. ടീമിലേക്ക് ബ്രസീൽ ഇതിഹാസമായ നെയ്മർ ജൂനിയർ, അർജന്റീനൻ ഇതിഹാസം ലയണൽ മെസി എന്നിവർ കൈലിയൻ എംബാപ്പയുടെ കൂടെ ചേർന്നതിന് ശേഷം മികച്ച ഫാൻസ്‌ പവർ ആണ് ടീമിനുണ്ടായത്. എന്നാൽ ഇപ്പോൾ ഇവർ ആരും ടീമിൽ പങ്കാളികൾ അല്ല. പിഎസ്ജി ക്ലബിന്റെ പേര് ഇത്രയും പ്രശസ്തമാകാൻ കാരണം എം.എൻ.എം (മെസി, നെയ്മർ, എംബപ്പേ) തന്നെയാണ് എന്നത് ഉറപ്പാണ്.
പക്ഷെ കളിക്കളത്തിൽ ചില മത്സരങ്ങൾ വിജയിച്ചെങ്കിലും പ്രധാനപ്പെട്ട ട്രോഫികൾ ഒന്നും തന്നെ താരങ്ങൾക്ക് നേടി കൊടുക്കാൻ സാധിച്ചിരുന്നില്ല. ഇതിനെ കുറിച്ച് മുൻ ഫ്രഞ്ച് പ്രസിഡണ്ടായ നിക്കോളാസ് സർക്കോസി സംസാരിച്ചു.
നിക്കോളാസ് സർക്കോസി പറയുന്നത് ഇങ്ങനെ:
” സൂപ്പർ താരങ്ങൾ വന്നതോടുകൂടിയാണ് പിഎസ്ജി ഒരു ഇന്റർനാഷണൽ ബ്രാൻഡ് ആയി മാറിയത്. എംബപ്പേയും നെയ്മറും മെസ്സിയും ഒക്കെ കളിച്ച ആ കാലം ഞാൻ നന്നായി ആസ്വദിച്ചിരുന്നു. അത് മനോഹരമായിരുന്നു, ഞാനത് മറക്കുകയുമില്ല. പക്ഷേ ഒരുപാട് സൂപ്പർ താരങ്ങൾ ഉള്ളതിനേക്കാൾ നല്ലത് ഒരു ടീം എന്ന നിലയിൽ മികച്ച രൂപത്തിൽ കളിക്കുക എന്നതാണ്. അത് ഇപ്പോൾ വ്യക്തമാണ്. ഇപ്പോഴത്തെ പരിശീലകൻ അതിലാണ് വിശ്വസിക്കുന്നത് ” നിക്കോളാസ് സർക്കോസി പറഞ്ഞു.
സൂപ്പർ താരങ്ങളുടെ വിടവ് ടീമിനെ ഇപ്പോൾ ബാധിക്കുന്നില്ല. മികച്ച പ്രകടനം ഈ സീസണിൽ പുറത്തെടുക്കാൻ പിഎസ്ജിക്ക് സാധിക്കുന്നുണ്ട്. ഫ്രഞ്ച് ലീഗിൽ ഒന്നാം സ്ഥാനത്ത് തുടരുന്നത് പിഎസ്ജി തന്നെയാണ്. എംബാപ്പയുടെ അഭാവം ടീമിനെ ബാധിക്കുമോ എന്ന പേടി ആരാധകർക്ക് ഉണ്ടായിരുന്നു. എന്തായാലും മികച്ച പ്രകടനമാണ് പിഎസ്ജി ഇപ്പോൾ നടത്തുന്നത്.