ഗോവയ്‌ക്കെതിരായ മത്സരത്തില്‍ കേരള ബ്ലാസ്റ്റേഴ്സ് വിജയവഴിയില്‍ തിരിച്ചെത്തുമെന്ന് ഇന്ത്യന്‍ ഫുട്‌ബോള്‍ ഇതിഹാസം ഐ.എം വിജയന്‍. കഴിഞ്ഞ തവണ നേരിട്ട തോല്‍വിക്ക് മറുപടി നല്‍കാന്‍ ബ്ലാസ്റ്റേഴ്‌സിനാകുമെന്നാണ് വിജയന്‍ പറയുന്നത്.
കേരളത്തിന്റെ സൂപ്പര്‍താരം സി.കെ വിനീത് ഇന്ന് ഗോളടിക്കുമെന്നും വിജയന്‍ പറഞ്ഞു. സ്വന്തം ആരാധകര്‍ക്കു മുന്നില്‍ നടക്കുന്ന മത്സരത്തില്‍ വിനീതിന്റെയും ബ്ലാസ്റ്റേഴ്‌സിന്റേയും വന്‍ തിരിച്ചുവരവ് സംഭവിക്കുമെന്നും വിജയന്‍ കൂട്ടിച്ചേര്‍ത്തു.ന്യൂസ് 18 ചാനലിനോട് സംസാരിക്കുകയായിരുന്നു ഇന്ത്യയുടെ മുന്‍ താരം.
ഗോവയില്‍ ആദ്യ മത്സരത്തില്‍ ഏറ്റ തോല്‍വിക്ക് സ്വന്തം ഗ്രൗണ്ടില്‍ കണക്കു തീര്‍ക്കാനൊരുങ്ങിത്തന്നെയാണ്് കേരള ബ്ലാസ്റ്റേഴ്സ് ഇന്നിറങ്ങുക. ഫെറാന്‍ കൊറോമിനാസിന്റെ ഹാട്രിക് അടക്കം അഞ്ച് ഗോളുകള്‍ ഗോവ അടിച്ചു കൂട്ടിയ മത്സരത്തില്‍ 2-5നായിരുന്നു കേരള ബ്ലാസ്റ്റേഴ്‌സിന്റെ തോല്‍വി. ആ തോല്‍വിക്ക് പകരം വീട്ടുക എന്ന ലക്ഷ്യത്തോടുകൂടിയായിരിക്കും ബ്ലാസ്റ്റേഴ്സ് ഇന്നിറങ്ങുക