കഴിഞ്ഞ സീസണിലെ ഏറ്റവും മികച്ച ഫുട്ബോൾ താരത്തിനുള്ള പുരസ്‌കാരമായ ബാലൺ ഡി ഓർ ഇത്തവണ സ്വന്തമാക്കിയത് സ്പാനിഷ് താരമായ റോഡ്രിയാണ്. വിനീഷ്യസ് ജൂനിയർ ജൂഡ് ബെല്ലിങ്‌ഹാം എന്നിവരെ പിന്തള്ളിയാണ് ഇത്തവണത്തെ ജേതാവായി റോഡ്രി തിരഞ്ഞെടുക്കപ്പെട്ടത്. ബ്രസീൽ താരമായ വിനിഷ്യസിന്റെ പേരാണ് ഏറ്റവും കൂടുതൽ ഉയർന്നു കേട്ടത്. എന്നാൽ അവസാന നിമിഷമാണ് ഇത്തവണ വിനിക്ക് പുരസ്‌കാരം ലഭിക്കില്ല എന്ന് റിപ്പോട്ട് വന്നത്.
അതിൽ ആരാധകരുടെ രോക്ഷം വളരെ വലുതായിരുന്നു. സംഭവത്തിൽ റയൽ മാഡ്രിഡ് പുരസ്‌കാര ചടങ്ങ് ബഹിഷ്ക്കരിക്കുകയും ചെയ്തു. ബാലൺ ഡി ഓർ ജേതാവിനെ നേരത്തെ അറിയിക്കാത്തതിലൂടെ തങ്ങളെ ഫ്രാൻസ് ഫുട്ബോൾ അപമാനിച്ചു എന്നാണ് റയൽ മാഡ്രിഡ് വിശ്വസിക്കുന്നത്. ഇത്തവണ ചടങ്ങിൽ മാഞ്ചസ്റ്റർ സിറ്റിയിലെ ഹാലന്റ് ഉണ്ടായിരുന്നില്ല. അതിൽ നിന്ന് വിട്ടു നിന്നത് മറ്റൊരു വിവാദത്തിനു കാരണമായിട്ടുണ്ട്.
സ്വീഡിഷ് ഫുട്ബോളിലെ കലാശ പോരാട്ടം കാണാൻ വേണ്ടി അദ്ദേഹം സ്വീഡനിലേക്ക് പോയിരുന്നു. അവിടെ മാൽമോയും ഗോട്ട്ബർഗും തമ്മിലായിരുന്നു ഏറ്റുമുട്ടിയിരുന്നത്. ആ മത്സരത്തിൽ ഹാലന്റിന്റെ അടുത്ത സുഹൃത്തായ എറിക് ബോത്തെയുടെ പ്രകടനം കാണാൻ വേണ്ടിയാണ് ഹാലന്റ് ബാലൺ ഡി ഓർ ചടങ്ങിൽ നിന്ന് ഒഴിവായത്.
ഇത്തവണത്തെ ബാലൺ ഡി ഓർ റാങ്കിങ്ങിൽ അഞ്ചാം സ്ഥാനത്താണ് ഹാലന്റ് ഫിനിഷ് ചെയ്തത്. കഴിഞ്ഞ തവണ മെസിയോടൊപ്പം ഏറ്റവും കൂടുതൽ ബാലൺ ഡി ഓർ നേടാൻ സാധ്യത കല്പിക്കപെട്ട താരമായിരുന്നു ഹാലന്റ്. ഈ സീസണിലും കഴിഞ്ഞ സീസണിലും മികച്ച പ്രകടനം പുറത്തെടുക്കാൻ അദ്ദേഹത്തിന് സാധിച്ചിട്ടുണ്ട്.
