ഖത്തര്‍ ലോകകപ്പില്‍ പ്രീക്വാര്‍ട്ടര്‍ ഉറപ്പിച്ച ഫ്രാന്‍സ് ടീമിലേക്ക് പരുക്കേറ്റ് പുറത്തിരുന്ന സൂപ്പര്‍ താരം കരിം ബെന്‍സെമ തിരികെയെത്തുന്നു. വിവിധ ഫ്രഞ്ച് മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. ലോകകപ്പ് ഗ്രൂപ്പ് ഘട്ടത്തിലെ തങ്ങളുടെ ആദ്യ മത്സരത്തിന് മുന്‍പായാണ് ബെന്‍സെമെയ്ക്ക് പരിക്കേറ്റത്.
പരിക്ക് ഭേദമായെന്നും ഈ ആഴ്ച തന്നെ ടീമിനൊപ്പം ചേര്‍ന്ന് പരിശീലനത്തിനിറങ്ങുമെന്നുമാണ് റിപ്പോര്‍ട്ട്. ബെന്‍സെമ കൂടി ടീമില്‍ തിരിച്ചെത്തുന്നതോടെ ലോകകപ്പില്‍ ഫ്രഞ്ച് പടയുടെ സ്വാധീനമേറും. ഇനി ടീമിന് വേണ്ടി കളിക്കാനായില്ലെങ്കിലും ഫ്രാന്‍സ് ചാമ്പ്യന്മാരായാല്‍ ജേതാക്കള്‍ക്കുള്ള മെഡല്‍ ബെന്‍സെമയ്ക്കും സ്വീകരിക്കാനാവും.
പരിക്കേറ്റ് പുറത്തു പോയെങ്കിലും താരത്തിന് പകരക്കാരനെ ടീമുലുള്‍പ്പെടുത്തിയിരുന്നില്ല. എന്നാല്‍ ബെന്‍സെമെ ലോകകപ്പ് ടീമിനൊപ്പം ചേരാനുള്ള സാദ്ധ്യത വിരളമാണ്. നിലവില്‍ ജിറൗഡ് ആണ് ബെന്‍സെമെയുടെ സ്ഥാനത്ത് കളിക്കുന്നത്.
ലോകകപ്പ് കഴിയുന്നതോടെ ക്ലബ് ഫുട്ബോള്‍ ആരംഭിക്കുമ്പോഴേക്കും ഗ്രൗണ്ടിലേക്ക് എത്താനാവും ബെന്‍സെമെ ശ്രമിക്കുക എന്നും റിപ്പോര്‍ട്ടുണ്ട്. നിലവില്‍ രണ്ട് കളിയില്‍ രണ്ടും ജയിച്ച് ഫ്രാന്‍സ് 6 പോയിന്റുമായി ഗ്രൂപ്പ് ഡി യില്‍ ഒന്നാം സ്ഥാനത്താണ്.