ഫുട്‍ബോൾ ലോകം കഴിഞ്ഞ ദിവസം നടത്തിയ ചർച്ചയിൽ ഏറ്റവും പ്രധാന സംഭവം ആയിരുന്നു സാദിയോ മാനെ കഴിഞ്ഞ ദിവസം ഡ്രസിംഗ് റൂമിൽ ഉണ്ടാക്കിയ വഴക്ക്. മാഞ്ചസ്റ്റർ സിറ്റിയുമായി നടന്ന ചാമ്പ്യൻസ് ലീഗ് മത്സരത്തിന് തൊട്ടുപിന്നാലെയായിരുന്നു ഡ്രെസിംഗ് റൂമിൽ സഹതാരം ലെറോയ് സാനെയുമായി താരം ഏറ്റുമുട്ടിയത്.
മത്സരത്തിനിടയിൽ ഇരുതാരങ്ങളും തമ്മിൽ വാക്കേറ്റമുണ്ടായി. സാനെ തന്നോട് ദേഷ്യപ്പെട്ട സംഭവത്തെ കുറിച്ച് ഡ്രസിംഗ് റൂമിൽ എത്തിയതിനു ശേഷം മാനെ ചോദിക്കുകയും അതിനു പിന്നാലെ താരത്തിന്റെ മുഖത്തടിക്കുകയുമായിരുന്നു. സഹതാരങ്ങൾ എത്തിയാണ് ഇരുത്തരങ്ങളെയും പിടിച്ചുമാറ്റിയത്.
കുറ്റം മുഴുവൻ മാനെക്ക് എന്ന അവസ്ഥയിൽ ആയപ്പോഴാണ് സംഭവത്തിന്റെ കൂടുതൽ വാർത്തകൾ പുറത്തുവരുന്നത്, അത് പ്രകാരം സാനെ സഹതാരത്തെ ” ബ്ലാക്ക് ഷിറ്റ്” എന്ന് വിളിക്കുക ആയിരുന്നു. അതാണ് ദേഷ്യത്തിന് കാരണമായത്. ഇരുത്തരങ്ങളും ക്ലബ് അധികൃതരോടും ആരാധകരോടും മാപ്പ് പറഞ്ഞിട്ടുണ്ട്. മാനെക്ക് സസ്പെന്ഷന് ലഭിക്കുകയും ചെയ്തു.
എന്നാൽ അതിൽ കൂടുതൽ കനത്ത ശിക്ഷ ഒരു കാരണവശാലും താരത്തിന് നൽകരുതെന്നാണ് സാനെ പറഞ്ഞിരിക്കുന്നത്. ഇതോടെ ഈ പ്രശ്‌നം അവസാനിക്കാനാണ് സാദ്ധ്യത കൂടുതൽ.
