റയല്‍ മാഡ്രിഡ് സൂപ്പര്‍ താരം ക്രിസ്റ്റ്യാനോ റൊണാള്‍ഡോ മാഞ്ചസ്റ്ററിലേക്ക് ചേക്കേറില്ലെന്ന് ഏകദേശം ഉറപ്പായി. സ്പാനിഷ് മാധ്യമമായ ഡോണ്‍ ബാലണ്‍ റിപ്പോര്‍ട്ട് ചെയ്യുന്നതനുസരിച്ച് റോണോ റയലില്‍ തന്നെ തുടരുമെന്നാണ് റിപ്പോര്‍ട്ടുകള്‍. അതേസമയം, റൊണാള്‍ഡോയുടെ മൈതാന വൈരിയായ മെസ്സിക്ക് ഈ വിവരം നേരത്തെ ലഭിച്ചിട്ടുണ്ടെന്നാണ് സൂചന.
ബാഴ്‌സലോണയില്‍ മെസ്സിയുടെ സഹതാരമായ പോര്‍ച്ചുഗീസ് താരം നെല്‍സണ്‍ സെമഡോ ഇക്കാര്യം മെസ്സിയെ അറിയിച്ചിരുന്നു. പോര്‍ച്ചുഗലില്‍ നിന്നും ലഭിച്ച വിവരത്തിന്റെ അടിസ്ഥാനത്തിലാണ് ഇക്കാര്യം ബാഴ്‌സ ഡ്രസിങ് റൂമില്‍ സെമഡോ പറഞ്ഞതെന്നാണ് റിപ്പോര്‍ട്ടില്‍ പറയുന്നത്. മാഞ്ചസ്റ്റര്‍ യുണൈറ്റഡ് പരിശീലകന്‍ ജോസ് മൊറീഞ്ഞോയുമായി റൊണാള്‍ഡോയ്ക്ക് അത്ര നല്ല ബന്ധമല്ലെന്നാണ് സൂചന. ഇതാണ് താരം മാഞ്ചസ്റ്റര്‍ മോഹം ഉപേക്ഷിക്കാന്‍ കാരണം.
Read more
അതേസമയം, റയലില്‍ തുടരണമെങ്കില്‍ കരാര്‍ പുതുക്കണമെന്ന് ആവശ്യം റൊണാള്‍ഡോ മാഡ്രിഡ് മാനേജ്‌മെന്റിന് മുന്നില്‍ അറിയിച്ചിട്ടുണ്ടെന്ന്് മെട്രോ റിപ്പോര്‍ട്ട് ചെയത്. മെസ്സി, നെയ്മര്‍, എന്നിവര്‍ക്കു നല്‍കുന്ന പ്രതിഫലത്തെ അപേക്ഷിച്ച് നിലവില്‍ റൊണാള്‍ഡോയ്ക്ക് കുറവാണ്. ഇതാണ് ഈ വര്‍ഷത്തെ ബാലണ്‍ ഡി ഓര്‍ സ്വന്തമാക്കിയ താരത്തെ കൂടുതല്‍ പ്രതിഫലം ചോദിപ്പിക്കാന്‍ പ്രേരിപ്പിച്ചതെന്നും റിപ്പോര്‍ട്ടില്‍ പറയുന്നു.
