ഇപ്പോൾ നടക്കുന്ന ഇംഗ്ലീഷ് പ്രീമിയർ ലീഗിൽ തകർപ്പൻ പ്രകടനമാണ് ലിവർപൂൾ നടത്തുന്നത്. ലോകത്തിലെ ഒന്നാം നമ്പർ ടീം ആണ് അവർ ഇപ്പോൾ. ഈ ലീഗിൽ 13 മത്സരങ്ങളിൽ നിന്നായി 3 സമനിലയും, 1 തോൽവിയും, 13 ജയവുമായി തകർപ്പൻ ഫോമിലാണ് ടീം ഉള്ളത്. ഇതോടെ പോയിന്റ് ടേബിളിൽ 42 പോയിന്റോടെ ബഹുദൂരം മുൻപിലാണ് ലിവർപൂൾ ഉള്ളത്.
ഇന്ന് നടന്ന മത്സരത്തിൽ ലൈസസ്‌റ്റെർ സിറ്റിയെ ഒന്നിനെതിരെ മൂന്നു ഗോളുകൾക്കാണ് ലിവർപൂൾ പരാജയപ്പെടുത്തിയത്. ലിവർപൂളിന് വേണ്ടി കോഡീ ഗാക്ക്പോ, കുർട്ടീസ് ജോൺസ്‌, മുഹമ്മദ് സലാഹ് എന്നിവർ ഓരോ ഗോളുകൾ വീതം നേടി തകർപ്പൻ പ്രകടനം കാഴ്ച വെച്ചു. മത്സരത്തിൽ പൂർണ ആധിപത്യത്തിൽ നിന്നത് ലിവർപൂൾ തന്നെയാണ്.
ലൈസസ്‌റ്റെർ സിറ്റിയുടെ തോൽ‌വിയിൽ നിരാശ പ്രകടിപ്പിച്ച് രംഗത്ത് എത്തിയിരിക്കുകയാണ് ടീം മാനേജർ റൂഡ് വാൻ നിസ്റ്റൽറൂയ്. ഈ വർഷം കിരീടം നേടാൻ സാധ്യത ലിവർപൂളിന് ഉണ്ടോ ഇല്ലയോ എന്ന കാര്യത്തിൽ അദ്ദേഹം തന്റെ അഭിപ്രായം പറഞ്ഞിട്ടുണ്ട്.
റൂഡ് വാൻ നിസ്റ്റൽറൂയ് പറയുന്നത് ഇങ്ങനെ:
” നമുക്ക് ഒന്നും പറയാൻ പറ്റില്ല. കാരണം ഇത് പ്രീമിയർ ലീഗ് ആണ്. മുൻ വർഷങ്ങളിൽ നടന്ന സംഭവ വികാസങ്ങൾ ഓർമ്മ ഇല്ലേ. പക്ഷെ അവർ മികച്ച ടീം തന്നെയാണ്. അവരുടെ സ്ഥിരതയാർന്ന പ്രകടനങ്ങൾ നോക്കൂ. ഇത്തവണ കിരീടം നേടാൻ ലിവർപൂളിന് സാധ്യത ഞാൻ കാണുന്നുണ്ട്” റൂഡ് വാൻ നിസ്റ്റൽറൂയ് പറഞ്ഞു.