ഗോളടിച്ച് ടീമിനെ ജയിപ്പില്ലാല് പറയും മിശിഹായാണെന്ന്. പെനാല്റ്റി നഷ്ടപ്പെടുത്തിയാല് പറയും ദുരന്തമെന്ന്. ആരാധകര് എന്നും അങ്ങനെയാണ്. അത് ഇനി മെസ്സിക്കായാലും റൊണാള്ഡോയ്ക്കായാലും ആരാധകരുടെ കാര്യത്തില് നോ വിത്യാസം. കോപ്പ ഡെല് റേയില് എസ്പ്യാനോളുമായി നടന്ന ബാഴ്സലോണയുടെ മത്സരത്തില് സൂപ്പര് താരം ലയണല് മെസ്സി പെനാല്റ്റി നഷ്ടപ്പെടുത്തിയതാണ് ആരാധകരെ ചൊടിപ്പിച്ചിരിക്കുന്നത്.
മത്സരത്തിന്റെ രണ്ടാം പകുതിയില് ലഭിച്ച പെനാല്റ്റിയാണ് മെസ്സി തുലച്ചത്. അതോടൊപ്പം ടീം എതിരില്ലാത്ത ഒരു ഗോളിന് തോറ്റതോടെ മെസ്സിക്കെതിരേ രൂക്ഷ വിമര്ശനവുമായി ആരാധകര് സോഷ്യല് മീഡിയയില് രംഗത്തെത്തി. എസ്പാന്യോള് ഗോള്കീപ്പര് ഡിയാഗോ ലോപ്പസിന്റെ കണ്ണഞ്ചിപ്പിക്കുന്ന സേവാണ് മെസ്സിക്കു പെനാല്റ്റി ഗോളാക്കാന് സാധിക്കാതിരിന്നതെന്ന് ന്യായീകരിക്കാമെങ്കിലും ആരാധകര്ക്ക് രോഷമടക്കാന് സാധിക്കുന്നില്ല.
ഈ സീസണില് ഇതുവരെ ആറ് പെനാല്റ്റികള് മെസ്സി എടുത്തപ്പോള് മൂന്ന് തവണ മാത്രമാണ് മെസ്സിക്കു ലക്ഷ്യം കാണാനായത്.
Read more
ക്ലബ്ബിനായി 100ാം പെനാല്റ്റിയാണ് കഴിഞ്ഞ ദിവസം മെസ്സി എടുത്തത്. ഇതില് 22 പെനാല്റ്റി മെസ്സി നഷ്ടപ്പെടുത്തിയിട്ടുണ്ട്. പെനാല്റ്റി കൈകാര്യം ചെയ്യുന്നതിന് കൂടുതല് പരിശീലനം നടത്തണമെന്ന് മെസ്സി നേരത്തെ വ്യക്തമാക്കിയിരുന്നു.