ലോകകപ്പ് യോഗ്യതാ റൗണ്ടിൽ ബ്രസീലിന് ഞെട്ടിക്കുന്ന തോൽവി സമ്മാനിച്ച് ഉറുഗ്വേ മുന്നേറിയിരുന്നു. തങ്ങളുടെ ഹോം സ്റ്റേഡിയമായ എസ്റ്റാഡിയോ സെന്റിനാരിയോയിൽ നടന്ന മത്സരത്തിൽ എതിരില്ലാത്ത രണ്ട് ഗോളിനാണ് ഉറുഗ്വേ മഞ്ഞപ്പടയെ തകർത്തത്. ഡാർവിൻ നൂനസും നികോളാസ് ഡി ലാക്രൂസുമാണ് ഉറുഗ്വേക്കായി വലകുലുക്കിയത്. മത്സരത്തിന്റെ 42 ാം മിനിറ്റിൽ ഡാർവിൻ നൂനസിലൂടെയാണ് യുറുഗ്വെ ആദ്യം മുന്നിലെത്തിയത്. മൈതാനത്തിന്റെ ഇടതു വിങ്ങിലൂടെ കുതിച്ച അരോഹോയുടെ പാസിൽ ഒരു തകർപ്പൻ ഹെഡ്ഡറിലൂടെ നൂനസ് ബ്രസീലിയൻ വലകുലുക്കി.

ഗോൾ പിറന്നതിന് തൊട്ടു പിന്നാലെ സൂപ്പർ താരം നെയ്മർ പരിക്കേറ്റ് പുറത്ത് പോയി. ആദ്യപകുതിയുടെ ഇഞ്ച്വറി ടൈമിൽ ഉറുഗ്വേയുടെ മധ്യനിര താരം നിക്കോളാസ് ഡി ലാ ക്രൂസുമായി കൂട്ടിയിടിച്ചാണ് നെയ്മർ നിലത്ത് വീണത്. നെയ്മറിനെ സ്ട്രച്ചറിലേക്കാണ് പുറത്തേയ്ക്ക് കൊണ്ടുപോയത്. പകരം റിച്ചാർലിസണെ ബ്രസീൽ ഇറക്കി.

77ാം മിനിറ്റിൽ നിക്കോളാസ് ഡി ലാ ക്രൂസ് ഉറുഗ്വേയുടെ ലീഡ് ഇരട്ടിയാക്കി. ബ്രസീലിയൻ ഡിഫെൻഡർമാർക്കിടയിൽ നിന്നും ഡാർവിൻ ന്യൂനെസ് കൊടുത്ത പാസിൽ നിന്നാണ് രണ്ടാം ഗോൾ പിറന്നത്. 2015 ന് ശേഷം ഇതാദ്യമായാണ് ബ്രസീൽ ഒരു ലോകകപ്പ് യോഗ്യതാ മത്സരത്തിൽ പരാജയപ്പെടുന്നത്. വിജയത്തോടെ ഉറുഗ്വേ ബ്രസീലിനെ മറികടന്ന് പോയിന്റ് പട്ടികയിൽ രണ്ടാം സ്ഥാനത്തെത്തി. നാല് മത്സരങ്ങളിൽ നിന്ന് ഏഴ് പോയിന്റാണ് ഉറുഗ്വേയ്ക്ക് ഉള്ളത്. 2015 ന് ശേഷം ഇതാദ്യമായാണ് ബ്രസീൽ ഒരു ലോകകപ്പ് യോഗ്യതാ മത്സരത്തിൽ പരാജയപ്പെടുന്നത്. വിജയത്തോടെ ഉറുഗ്വേ ബ്രസീലിനെ മറികടന്ന് പോയിന്റ് പട്ടികയിൽ രണ്ടാം സ്ഥാനത്തെത്തി. നാല് മത്സരങ്ങളിൽ നിന്ന് ഏഴ് പോയിന്റാണ് ഉറുഗ്വേയ്ക്ക് ഉള്ളത്.

മത്സരം തോറ്റതിന് പിന്നാലെ ബ്രസീൽ പരിശീലകൻ പറഞ്ഞത് ഇങ്ങനെ:

” മത്സരത്തിൽ മികച്ച രീതിയിൽ കളിക്കാൻ ഞങ്ങൾക്ക് കഴിഞ്ഞിട്ടില്ല. ഈ തോൽവിയുടെ ഉത്തരവാദി ഞാനാണ്. ഇതിന്റെ ഉത്തരവാദിത്വം ഞാൻ ഏറ്റെടുക്കുന്നു. ഞങ്ങൾ ചെയ്യാൻ പാടില്ലായിരുന്ന രണ്ട് പിഴവുകൾ വരുത്തിവെച്ചു,അതിലൂടെയാണ് രണ്ടു ഗോളുകൾ വഴങ്ങിയത്. ഞങ്ങളുടെ ടീമിൽ കോഡിനേഷന്റെ അഭാവം നന്നായി ഉണ്ടായിരുന്നു. ഒരുനാൾ ടീം കോമ്പിനേഷൻ ഉണ്ടാക്കാൻ എനിക്ക് ഇതുവരെ സാധിച്ചിട്ടില്ല ” ഡിനിസ് പറഞ്ഞു.

Read more

അന്താരാഷ്ട്ര ക്രിക്കറ്റില്‍ ഇനി സഞ്ജുവിന്‍റെ സമയം, വൈകാതെ നായകസ്ഥാനത്തേക്ക്!

കീര്‍ത്തി സുരേഷിന്റെ ബോളിവുഡ് അരങ്ങേറ്റം; അറ്റ്‌ലീയുടെ 'തെരി' ഹിന്ദി റീമേക്ക്, ടീസര്‍

എന്റെ നമ്പര്‍ ജോജു ബ്ലോക്ക് ചെയ്തിരിക്കുകയാണ്, കാരണം അറിയില്ല.. ആദര്‍ശ് നിഷ്‌ക്കളങ്കനല്ല, സൈബര്‍ കൊങ്ങിയാണ്: അഖില്‍ മാരാര്‍

തഗ്ഗിന് വേണ്ടി നിഖിലേച്ചി അങ്ങനെ പറയുന്നതല്ല, ചെറുപ്പം മുതലേ ഇങ്ങനെയാണ്: നസ്‌ലിന്‍

കുളിക്കാന്‍ പോലും കഴിയാതിരുന്ന ദിനങ്ങളുണ്ടായിട്ടുണ്ട്, അപ്പോഴും നൃത്തം മുടക്കിയില്ല... ഒരുതരം വാശിയായിരുന്നു: നവ്യ നായര്‍

സമീപകാലത്തെ ഏറ്റവും മോശം നിലയിലൂടെയാണ് ബ്രസീൽ ഇപ്പോൾ കടന്നു പോയിക്കൊണ്ടിരിക്കുന്നത്. ബൊളീവിയക്ക് എതിരെ അടുത്തിടെ നടനാണ് ഒരു മത്സരം ജയിച്ചതൊഴിച്ചാൽ കാര്യമായ നേട്ടങ്ങൾ ഒന്നും എടുത്ത് പറയാനില്ല. ഈ കണക്കിന് ആണെങ്കിൽ ടീം വമ്പൻ ടീമുകളോട് ബുദ്ധിമുട്ടും എന്നത് ഉറപ്പാണ്.