ആവേശം അവസാനം വരെ അലതല്ലി നിന്ന ഇന്ത്യൻ സൂപ്പർ ലീഗ് ഫൈനൽ മത്സരത്തിനൊടുവിൽ ബാംഗ്ലൂർ എഫ് സിയെ തോൽപ്പിച്ച് എ.ടി.കെ മോഹൻ ബഗാന്കിരീടം . മുഴുവൻ സമയത്തും അധികസമയത്തും ഇരു ടീമുകളും രണ്ട് ഗോൾ വീതം നേടി തുല്യത പാലിച്ചതോടെയാൻ മത്സരം പെനാൽറ്റിയിലേക്ക് നീങ്ങിയത്. പെനാൽറ്റിയിൽ നിന്നാണ് മത്സരത്തിലെ മൂന്ന് ഗോളുകൾ പിറന്നത്. എടികെയ്‌ക്കായി ദിമിത്രി പെട്രറ്റോസ് ഇരട്ട ഗോൾ നേടിയപ്പോൾ സുനിൽ ഛേത്രിയും റോയ് കൃഷ്‌ണയുമാണ് ബാംഗ്ലൂരിന്റെ ഗോൾ നേടിയത് . പെനാൽറ്റിയിൽ കൊൽക്കത്തയുടെ എല്ലാ ഷോട്ടുകളും ഗോൾ ആയപ്പോൾ ബാംഗ്ലൂരിന്റെ രണ്ട് കിക്കുകൾ പിഴച്ചു. പെനാൽറ്റിയിൽ 4 – 3 നാൻ കൊൽക്കത്ത ജയിച്ചുകയറിയത്.
എ.ടി.കെ മോഹൻ ബഗാനാണ് മത്സരത്തിലെ ആദ്യ ഗോൾ നേടിയത്. റോയ് കൃഷ്ണയുടെ ഹാൻഡ് ബോളിനൊടുവിൽ കിട്ടിയ പെനാൽറ്റിയാണ് വളരെ എളുപ്പത്തിൽ ഗോൾ നേടിയത്. അത് പെനാൽറ്റിയല്ല എന്ന വാദം ബാംഗ്ലൂർ താരങ്ങളുടെ ഭാഗത്ത് നിന്നും ഉണ്ടായപ്പോൾ റഫറിയുടെ തീരുമാനം ഉറച്ചതെയിരുന്നു. എന്നാൽ ആദ്യ പകുതിയുടെ എക്സ്ട്രാ ടൈമിൽ കിട്ടിയ പെനാൽറ്റി ബാംഗ്ലൂരും ഗോളാക്കിയതോടെ ആദ്യ പകുതി സമനിലയിൽ പിരിഞ്ഞു.
രണ്ടാം പകുതിയും ആവേശകരമായിരുന്നു. ഇരു ടീമുകളും പൊരുതി കളിച്ചതോടെ പ്രതിരോധനിരക്ക് പണിയായി. കളിയുടെ ഒഴുക്കിന് വിപരീതമായി ബാംഗ്ലൂർ റോയ് കൃഷ്ണയുടെ ലീഡ് എടുത്തു, 78 ആം മിനിറ്റിൽ റോയ് കൃഷ്ണയാണ് ബാംഗ്ലൂരിനായി സ്കോർ ചെയ്തത്. എന്നാൽ കൊൽക്കത്ത വിട്ടുകൊടുത്തില്ല, പെട്രറ്റോസ് 85-ാം മിനുറ്റിൽ മറ്റൊരു പെനാൽറ്റിയിലൂടെ ഗോൾ നേടിയപ്പോൾ കൊൽക്കത്തയ്ക്ക് ആസ്‌ഗ്വാസമായി.
അധിക സമയത്ത് കിട്ടിയ അവസരങ്ങൾ കൊൽക്കത്തയ്ക്ക് അതൊന്നും മുതലാക്കാൻ സാധിച്ചില്ല. മത്സരം ആവേശകരമായ പെനാൽറ്റിയിലേക്ക് നീങ്ങിയപ്പോൾ ബാംഗ്ലൂർ ജയം പ്രതീക്ഷിച്ചു, എന്നാൽ സംഭവിച്ചത് മറിച്ചാണ്