റെച്ചൂക്ക ആ നേട്ടം സ്വന്തമാക്കുമോ?

ബ്ലാസ്റ്റേഴ്സ് ആരാധകരുടെ അകമഴിഞ്ഞ പിന്തുണയില്‍ ഗോള്‍ കീപ്പര്‍ പോള്‍ റെച്ചൂക്കയെ തേടി മറ്റൊരു നേട്ടം കൂടിയെത്തുന്നു. ഐഎസ്എല്ലില്‍ നവംബര്‍ മാസത്തിലെ ഏറ്റവും മികച്ച താരം എന്ന നേട്ടമാണ് റെച്ചൂക്ക സ്വന്തമാക്കാനൊരുങ്ങുന്നത്.

ആരാധകര്‍ക്കിടയില്‍ ഐഎസ്എല്‍ അധികൃതര്‍ നടത്തുന്ന പ്ലെയര്‍ ഓഫ് ദ മന്ത് അവാര്‍ഡിനുളള വോട്ടെടുപ്പില്‍ ഇതുവരെ 86.4 ശതമാനം വോട്ടാണ് റെച്ചൂക്ക സ്വന്തമാക്കിയത്. തെരഞ്ഞെടുത്ത അഞ്ച് താരങ്ങളില്‍ നിന്നാണ് റെച്ചൂക്ക മുന്നിട്ട് നില്‍ക്കുന്നത്.

എഫ്സി ഗോവയുടെ ഫേറാന്‍ ക്രോമിനാസ് (8.3%) പൂണെ സിറ്റിയുടെ മാര്‍സെലോ പെരേര(2.2%) മൂന്നാമതമാണ്. എറിക്ക് പാര്‍ത്തലു (ബംഗളൂരു എഫ്സി- 2.0%) എമിലിയാനോ അല്‍ഫാറോ (പൂണെ സിറ്റി 1.1%) എന്നിവരാണ് പട്ടികയില്‍ ഇടംപിടിച്ച മറ്റ് രണ്ട് പേര്‍.

നിലവില്‍ ബ്ലാസ്റ്റേഴ്സ് താരത്തിന് മറ്റാരും വെല്ലുവിളിയാകാനിടയില്ല. ഐഎസ്എല്ലിലെ രണ്ട് മത്സരത്തിലും ബ്ലാസ്റ്റേഴ്സ് സമനിലയായെങ്കിലും രണ്ടിലും ക്ലീന്‍ ഷിറ്റ് വരുത്തിയതാണ് ഈ മുന്‍ മാഞ്ചസ്റ്റര്‍ താരത്തെ ശ്രദ്ധേയമാക്കുന്നത്. ഞായറാഴ്ച്ച മുംബൈ സിറ്റിയ്ക്കെതിരെയാണ് ബ്ലാസ്റ്റേഴ്സിന്റെ അടുത്ത മത്സരം

പ്ലെയര്‍ ഓഫ് ദ മന്തിന് വോട്ട് ചെയ്യാന്‍ ഇവിടെ ക്ലിക്ക് ചെയ്യുക