ലാലീഗയിലെ ഏറ്റവും മികച്ച ടീം ആണ് ബാഴ്‌സിലോണ. നിലവിൽ പോയിന്റ് പട്ടികയിൽ ഒന്നാം സ്ഥാനത്താണ് അവർ നിൽക്കുന്നത്. ഈ വർഷത്തെ സമ്മർ ട്രാൻസ്ഫറിൽ ഒരു താരത്തെ മാത്രമാണ് ടീം സ്വന്തമാക്കിയത്. സാമ്പത്തികസമായ പ്രതിസന്ധി നേരിട്ടതിനെ തുടർന്നാണ് ഒരു താരത്തെ മാത്രം മതി എന്ന് ടീം തീരുമാനം എടുത്തത്. ഇന്ന് ലാലീഗയിലെ നടക്കുന്ന മത്സരത്തിൽ ബാഴ്സിലോണയും ഒസാസുനയുമാണ് തമ്മിൽ ഏറ്റുമുട്ടുന്നത്.
ബാഴ്‌സിലോണ ലീഗ് മത്സരങ്ങൾ എല്ലാം തന്നെ വിജയിച്ച് തകർപ്പൻ പ്രകടനമാണ് നടത്തുന്നത്. 21 പോയിന്റുകളുമായി ഒന്നാം സ്ഥാനത്താണ് പോയന്റ് പട്ടികയിൽ അവർ നിലകൊള്ളുന്നത്. ബാഴ്സയെ പ്രശംസിച്ചുകൊണ്ട് ഒസാസുനയുടെ പരിശീലകനായ വിസന്റെ മൊറീനോ രംഗത്ത് വന്നിട്ടുണ്ട്
വിസന്റെ മൊറീനോ പറയുന്നത് ഇങ്ങനെ:
“ലാലിഗയിലെ ഏറ്റവും മികച്ച ടീമാണ് ബാഴ്സലോണ. മത്സരം വളരെയധികം ബുദ്ധിമുട്ടായിരിക്കും. ഈ മത്സരത്തിൽ വിജയിക്കണമെന്നുണ്ടെങ്കിൽ ഞങ്ങൾ ഏറ്റവും പെർഫെക്റ്റ് ആയ ഒരു മത്സരം കളിക്കേണ്ടിവരും. ഈ ക്ലബ്ബിലെ ഓരോ ആരാധകരെയും ഞങ്ങൾക്ക് ആവശ്യമുണ്ട്. എന്നിരുന്നാൽ പോലും മത്സരം ബുദ്ധിമുട്ടായിരിക്കും. ഞങ്ങളുടെ ചാൻസുകൾ പരമാവധി ഞങ്ങൾ മുതലെടുക്കണം. ബാഴ്സ ഏതൊക്കെ മേഖലയിലാണ് ഞങ്ങൾക്ക് മേൽ ആധിപത്യം പുലർത്തുക എന്നത് ഞങ്ങൾക്ക് അറിയാം. അത് കുറക്കാൻ വേണ്ടിയാണ് ഞങ്ങൾ ശ്രമിക്കുക. ഒരൊറ്റ താരത്തിൽ മാത്രം ശ്രദ്ധ കേന്ദ്രീകരിക്കാൻ ഞങ്ങൾക്ക് കഴിയില്ല. ഏറ്റവും മികച്ച പ്രകടനം ഞങ്ങൾ പുറത്തെടുക്കേണ്ടതുണ്ട് ” വിസന്റെ മൊറീനോ പറഞ്ഞു.
ലാലിഗയിൽ ബാഴ്‌സിലോണയെ കൂടാതെ മികച്ച പ്രകടനം നടത്തുന്ന മറ്റൊരു ടീം ആണ് റയൽ മാഡ്രിഡ്. നിലവിലെ പോയിന്റ് പട്ടികയിൽ രണ്ടാം സ്ഥാനത്താണ് അവർ നിൽക്കുന്നത്. ബാഴ്സിലോണയുമായി നാല് പോയിന്റുകളുടെ കുറവാണ് അവർക്കുള്ളത്.