ലോകത്തിലെ ഏറ്റവും മികച്ച ക്ലബ് ആണ് റയൽ മാഡ്രിഡ്. ഒരുപാട് മികച്ച കളിക്കാരെ ആണ് ഇത്തവണത്തെ ട്രാൻസ്ഫർ ജാലകത്തിൽ ടീം സ്വന്തമാക്കിയത്. ബെല്ലിങ്‌ഹാം, വിനീഷ്യസ്, എംബപ്പേ, എൻഡ്രിക്ക് എന്നിവരാണ് നിലവിലെ ടീമിൽ പ്രധാനികൾ. റയൽ മാഡ്രിഡിൽ പരിശീലകൻ കാർലോ ആഞ്ചലോട്ടിക്ക് കീഴിൽ അസാധാരണമായ പ്രകടനമാണ് അവർ നടത്തിക്കൊണ്ടിരിക്കുന്നത്. കഴിഞ്ഞ സീസണിലെ ചാമ്പ്യൻസ് ലീഗ് കിരീടവും, ലാലിഗ കിരീടവും റയൽ മാഡ്രിഡ് സ്വന്തമാക്കിയിരുന്നു. ഓരോ താരങ്ങളെയും കൃത്യമായി ഉപയോഗപ്പെടുത്തുന്നതിൽ ആഞ്ചലോട്ടി വിജയിക്കുകയായിരുന്നു എന്ന് പറയാം. റയൽ മാഡ്രിഡിന്റെ ഗോൾകീപ്പറായ തിബോട്ട് കോർട്ടോയിസ് ചില കാര്യങ്ങൾ പറഞ്ഞിട്ടുണ്ട്.
തിബോട്ട് കോർട്ടോയിസ് പറഞ്ഞത് ഇങ്ങനെ:
”വളരെ മികച്ച വ്യക്തിയും മികച്ച ഒരു പരിശീലകനുമാണ് ആഞ്ചലോട്ടി. അദ്ദേഹം ആഗ്രഹിക്കുന്ന ടാക്റ്റിക്സിനിടയിലും താരങ്ങൾ ആഗ്രഹിക്കുന്ന ഫ്രീഡത്തിനിടയിലും ഒരു ശരിയായ ബാലൻസ് കൊണ്ടുവരാൻ അദ്ദേഹത്തിന് സാധിക്കാറുണ്ട്. അങ്ങനെ ടാക്റ്റിക്സിന് വലിയ പ്രാധാന്യം ഒന്നും അദ്ദേഹം നൽകാറില്ല. മറിച്ച് താരങ്ങൾക്ക് വേണ്ടത്ര ഫ്രീഡം അദ്ദേഹം നൽകും. വിനീഷ്യസ്,മോഡ്രിച്ച്,റോഡ്രിഗോ എന്നിവർക്കൊക്കെ ഈ ഫ്രീഡം ലഭിക്കാറുണ്ട്. ഡ്രസ്സിംഗ് റൂമിനെയും ട്രെയിനിങ് സെഷനെയും വളരെ നല്ല രൂപത്തിൽ മാനേജ് ചെയ്യാൻ അദ്ദേഹത്തിന് സാധിക്കുന്നു. ഞങ്ങൾ ഒരുപാട് വർക്ക് ചെയ്യും. അതുപോലെതന്നെ ഒരുപാട് ചിരിക്കുകയും ചെയ്യും. ഫുട്ബോൾ ചരിത്രത്തിലെ തന്നെ എക്കാലത്തെയും മികച്ച പരിശീലകരിൽ ഒരാളാണ് അദ്ദേഹം. ഞങ്ങളുടെ ഹാർഡ് വർക്കിനുള്ള റിവാർഡുകൾ ഞങ്ങൾക്ക് ലഭിക്കാറുമുണ്ട് “ തിബോട്ട് കോർട്ടോയിസ് പറഞ്ഞു.
നിലവിലെ ടീമിലേക്ക് ഫ്രഞ്ച് താരം കൈലിയൻ എംബപ്പേ കൂടെ ജോയിൻ ചെയ്തതോടെ അവരുടെ ശക്തി കൂടി. ലോകത്തിലെ മികച്ച താരങ്ങളാണ് ജൂഡ് ബെല്ലിങ്‌ഹാം, വിനീഷ്യസ് ജൂനിയർ, കൈലിയൻ എംബപ്പേ എന്നിവർ, ഇവർ മൂന്നു പേരും ഒരു ടീമിന് വേണ്ടി ഒരുമിച്ച് കളിക്കുന്നത് കാണാനാണ് ആരാധകർ കാത്തിരിക്കുന്നത്. ഇപ്പോൾ യുവേഫ സൂപ്പർ കപ്പ് ഫൈനലിന് വേണ്ടിയുള്ള ഒരുക്കത്തിലാണ് റയൽ മാഡ്രിഡ്. ഇറ്റാലിയൻ കരുത്തരായ അറ്റലാന്റയാണ് റയലിന്റെ എതിരാളികൾ.