റയൽ മാഡ്രിഡിലേക്ക് വന്നതിൽ പിന്നെ മികച്ച പ്രകടനങ്ങൾ കാഴ്ച വെക്കുന്നതിൽ എൻഡ്രിക്ക് പരാജയപ്പെടുകയാണ്. റയലിന് വേണ്ടി അരങേറിയ മത്സരങ്ങളിൽ താരം നിറം മങ്ങിയിരുന്നു. അദ്ദേഹത്തിന് മികച്ച ഇമ്പാക്ട് ടീമിലും മത്സരങ്ങളിലും നടത്താൻ സാധിക്കും എന്നാണ് ആരാധകർ പ്രതീക്ഷിച്ചിരുന്നത്. എന്നാൽ കാര്യങ്ങൾ മാറി മറിഞ്ഞു. ഇന്ന് നടന്ന മത്സരത്തിൽ ടീം വിജയിച്ചെങ്കിലും താരത്തിന് ബെഞ്ചിൽ ഇരിക്കേണ്ടി വന്നു.
താരത്തിന്റെ മോശം പ്രകടനം കാരണമാണ് അദ്ദേഹത്തിന് ഇന്ന് അവസരം നൽകാത്തത് എന്നുള്ള വിമശനങ്ങളും ഉയർന്നു. എന്നാൽ അടുത്ത മത്സരങ്ങളിൽ പങ്കെടുപ്പിക്കാനാണ് താരത്തിന് വിശ്രമം അനുവദിച്ചത് എന്നാണ് കാർലോ അഞ്ചലോട്ടി പറയുന്നത്. ഇപ്പോൾ താരത്തിന് പിന്തുണയുമായി രംഗത്ത് എത്തിയിയ്ക്കുകയാണ് റയൽ മാഡ്രിഡ് ഗോൾ കീപ്പർ കോർട്ടുവ
റയൽ മാഡ്രിഡ് ഗോൾ കീപ്പർ കോർട്ടുവ പറയുന്നത് ഇങ്ങനെ:
“എൻഡ്രിക്കിന് അധികം ഉയരമൊന്നുമില്ല. പക്ഷേ അദ്ദേഹത്തിന്റെ കാലുകൾ വളരെ കരുത്തേറിയതാണ്. ഈഡൻ ഹസാർഡ് അങ്ങനെയായിരുന്നു. ഉയരമില്ലെങ്കിലും വളരെയധികം കരുത്തുറ്റ കാലുകൾ അദ്ദേഹത്തിന് ഉണ്ടായിരുന്നു. നമ്മൾ തള്ളി വീഴ്ത്താൻ ശ്രമിച്ചാലും അവർ സ്വന്തം കാലിൽ നിൽക്കും. കൂടാതെ നല്ല കരുത്തേറിയ ഷോട്ടുകൾ എടുക്കാനും എൻഡ്രിക്കിന് സാധിക്കും. ഞാൻ ട്രെയിനിങ്ങിന് ഇടയിൽ അത് കണ്ടിരുന്നു “ കോർട്ടുവ പറഞ്ഞു.
സീനിയർ താരങ്ങൾ വരുന്നതോടെ ടീം വീണ്ടും ശക്തരാകും എന്നത് ഉറപ്പാണ്. എൻഡ്രിക്ക്, എംബപ്പേ, ജൂഡ് ബെല്ലിങ്‌ഹാം, വിനീഷ്യസ് ജൂനിയർ എന്നിവർ വരുന്നതോടെ ലോകത്തിലെ ഏറ്റവും മികച്ച ടീം ആയി ഇവർ മാറും എന്നാണ് ആരാധകരുടെ വിലയിരുത്തൽ.
ഇനി അടുത്തതായി റയൽ മാഡ്രിഡ് കളിക്കുക യുവേഫ സൂപ്പർ കപ്പ് ഫൈനലാണ്. അറ്റലാന്റയാണ് റയലിന്റെ എതിരാളികൾ. ആ മത്സരത്തിൽ സ്റ്റാർട്ട് ചെയ്യാൻ എൻഡ്രിക്കിന് സാധിച്ചേക്കില്ല. ഒരുപക്ഷേ പകരക്കാരന്റെ റോളിൽ അദ്ദേഹത്തിന് അവസരം ലഭിച്ചേക്കാം.