"അവൻ ആണ് ഞങ്ങടെ തുറുപ്പ് ചീട്ട്"; റഫിഞ്ഞയെ വാനോളം പുകഴ്ത്തി ബാഴ്‌സിലോണ പരിശീലകൻ

ഇപ്പോൾ നടക്കുന്ന ചാമ്പ്യൻസ് ലീഗിൽ ഏറ്റവും തകർപ്പൻ പ്രകടനം നടത്തുന്ന ടീം ആണ് ബാഴ്‌സിലോണ. ഇന്ന് നടന്ന മത്സരത്തിൽ എതിരില്ലാത്ത അഞ്ച് ഗോളുകൾക്കാണ് അവർ യങ്ങ് ബോയ്സിനെ പരാജയപ്പെടുത്തിയത്. റോബർട്ട് ലെവന്റോസ്ക്കി മത്സരത്തിൽ ഇരട്ട ഗോളുകൾ നേടി മുൻപിൽ നിന്നും ടീമിനെ നയിച്ചു. കൂടാതെ റാഫിഞ്ഞയും, ഇനീഗോ മാർട്ടിനസും ഓരോ ഗോളുകളും ഓരോ അസിസ്റ്റുകളും വീതമാണ് സ്വന്തമാക്കിയിട്ടുള്ളത്.മത്സരത്തിൽ ഗംഭീര പ്രകടനം നടത്തിയ റാഫീഞ്ഞയാണ് മാൻ ഓഫ് ദി മാച്ച് പുരസ്കാരം സ്വന്തമാക്കിയിട്ടുള്ളത്.

പരിശീലകനായ ഹാൻസി ഫ്ലിക്കിന്റെ കീഴിൽ മിന്നും പ്രകടനമാണ് ബാഴ്‌സിലോണ ടീം നടത്തി വരുന്നത്. കൂടാതെ ബ്രസീലിയൻ താരമായ റാഫിഞ്ഞ 10 മത്സരങ്ങളിൽ നിന്നായി ആറ് ഗോളുകളും മൂന്നു അസിസ്റ്റുകളും അദ്ദേഹം സ്വന്തമാക്കി. റാഫിഞ്ഞയെ കുറിച്ച് പരിശീലകനായ ഫ്ലിക്ക് സംസാരിച്ചു.

ഹാൻസി ഫ്ലിക്ക് പറയുന്നത് ഇങ്ങനെ:

”ഞാൻ ഇവിടേക്ക് വരുന്നതിന് മുന്നേ തന്നെ എനിക്ക് അറിയാവുന്ന താരമാണ് റാഫിഞ്ഞ. അദ്ദേഹത്തിന്റെ മികവ് എത്രത്തോളം ഉണ്ടെന്ന് എനിക്കറിയാം. നിലവിൽ ഒരുപാട് ആത്മവിശ്വാസം അദ്ദേഹത്തിനുണ്ട്. ടീമിനകത്ത് പ്രധാനപ്പെട്ടവനാണ് എന്ന ഫീൽ അദ്ദേഹത്തിനുണ്ട്. ഇതുകൊണ്ടൊക്കെയാണ് റാഫിഞ്ഞയെ പോലെയുള്ള താരങ്ങളെ ഞാൻ ഇഷ്ടപ്പെടുന്നത്. ഒരു താരത്തിൽ നിന്നും ഞാൻ ആഗ്രഹിക്കുന്ന ഹാർഡ് വർക്കിനുള്ള ഉത്തമ ഉദാഹരണമാണ് റാഫീഞ്ഞ. അദ്ദേഹം നന്നായി പ്രസ് ചെയ്യുന്നു, എതിരാളികളെ എപ്പോഴും വരുതിയിലാക്കാൻ അദ്ദേഹത്തിന് കഴിയുന്നു. വിജയം നേടാൻ വേണ്ടി മറ്റുള്ള താരങ്ങളുമായി അദ്ദേഹം സഹകരിക്കുന്നു ” ഹാൻസി ഫ്ലിക്ക് പറഞ്ഞു.

തകർപ്പൻ ജയമാണ് ഇന്നത്തെ മത്സരത്തിൽ ബാഴ്‌സിലോണ സ്വന്തമാക്കിയത്. മത്സരത്തിൽ 21 ഷോട്ടുകളാണ് അവർ എതിർ പോസ്റ്റിലേക്ക് അടിച്ചിട്ടത്. നിലവിൽ ലാലിഗയിൽ ഒന്നാം സ്ഥാനത്ത് തുടരുന്നത് ബാഴ്സലോണയാണ്. അടുത്ത മത്സരത്തിൽ ഡിപ്പോർട്ടിവോ അലാവസാണ് അവരുടെ എതിരാളികൾ.

Latest Stories

സമരം അട്ടിമറിക്കാനുള്ള സര്‍ക്കാര്‍ നീക്കം; ഹെല്‍ത്ത് മിഷന്റെ പരിശീലന പരിപാടി ബഹിഷ്‌കരിക്കാന്‍ ആഹ്വാനവുമായി ആശാ പ്രവര്‍ത്തകര്‍

കാസ ക്രിസ്ത്യാനികള്‍ക്കിടയിലുള്ള വര്‍ഗീയ പ്രസ്ഥാനം; ആര്‍എസ്എസിന്റെ മറ്റൊരു മുഖമെന്ന് എംവി ഗോവിന്ദന്‍

കെഎസ്‌യു മലപ്പുറം ജില്ലാ സെക്രട്ടറിയ്ക്ക് മര്‍ദ്ദനം; മര്‍ദ്ദിച്ചത് എറണാകുളം കെഎസ്‌യു ജില്ലാ പ്രസിഡന്റിന്റെ നേതൃത്വത്തിലെന്ന് പരാതി

കോട്ടയത്ത് പൊലീസ് ഉദ്യോഗസ്ഥന് കുത്തേറ്റു; ആക്രമണം കവര്‍ച്ച കേസിലെ പ്രതിയെ പിടികൂടുന്നതിനിടെ

കുട്ടനാട്ടില്‍ ക്രിക്കറ്റ് കളിക്കുന്നതിനിടെ യുവാവ് ഇടിമിന്നലേറ്റ് മരിച്ചു; ഒപ്പമുണ്ടായിരുന്ന സുഹൃത്തിനും പരിക്കേറ്റു

കോട്ടയം സിപിഎം ജില്ല സെക്രട്ടറിയായി ടിആര്‍ രഘുനാഥ്

ചെന്നൈയിലെ യോഗത്തില്‍ പിണറായി വിജയന്‍ പങ്കെടുക്കും; എഐസിസി അനുമതി ലഭിക്കാതെ രേവന്ത് റെഡ്ഡിയും ഡികെ ശിവകുമാറും

'എന്റെ രക്തം തിളയ്ക്കുന്നു', ഹൈദരാബാദിലെ മാധ്യമ പ്രവര്‍ത്തകരുടെ അറസ്റ്റില്‍ അപലപിച്ച ബിആര്‍എസിന് നേരെ രേവന്ത് റെഡ്ഡിയുടെ ആക്രോശം

ഡല്‍ഹിയില്‍ ക്രിസ്ത്യന്‍ പള്ളിയ്ക്ക് നേരെ ആക്രമണം; രൂപക്കൂട് തകര്‍ത്ത യുവാവിനെ തിരിച്ചറിഞ്ഞതായി റിപ്പോര്‍ട്ടുകള്‍

'എല്ലുകൾ ഒടിഞ്ഞേക്കാം, ബേബി ഫീറ്റ് എന്ന അവസ്ഥ...'; ഭൂമിയിലെത്തുന്ന സുനിത വില്യംസിനെയും ബുച്ച് വിൽമോറിനെയും കാത്തിരിക്കുന്നത് എന്തെല്ലാം?