ലോകത്തിലെ ഏറ്റവും മികച്ച ഫുട്ബോൾ ടീമാണ് അർജന്റീന. പരിശീലകനായ ലയണൽ സ്കലോണിയുടെ കീഴിൽ തകർപ്പൻ പ്രകടനമാണ് ടീം നടത്തി വരുന്നത്. നാളെ നടക്കുന്ന വേൾഡ് കപ്പ് യോഗ്യത മത്സരത്തിൽ അർജന്റീന കളിക്കളത്തിലേക്ക് ഇറങ്ങുന്നുണ്ട്. എതിരാളികൾ പരാഗ്വയാണ്. പരിക്ക് കാരണം സൂപ്പർതാരമായ ലിസാൻഡ്രോ മാർട്ടിനസിനെ കഴിഞ്ഞ ദിവസം ക്യാമ്പിൽ നിന്ന് പുറത്ത് പോയിരുന്നു. താരത്തിന് പകരം ഫകുണ്ടോ മെഡിനയെ ടീമിൽ ഉൾപ്പെടുത്തിട്ടുണ്ട്.
ഫകുണ്ടോ മെഡിന മികച്ച പ്രകടനമാണ് ക്ലബായ ലെൻസിന് വേണ്ടി നടത്തുന്നത്. ഡിഫൻസിൽ താരം ഒരു മുതൽ കൂട്ടാണ്. ടീമിൽ നിന്നും വിളി എത്തിയപ്പോഴേ താരം സ്വന്തം പണം മുടക്കി ടീമിൽ ജോയിൻ ചെയ്തു. താരത്തെ വാനോളം പുകഴ്ത്തി സംസാരിച്ചിരിക്കുകയാണ് പരിശീലകനായ ലയണൽ സ്കലോണി.
ലയണൽ സ്കലോണി പറയുന്നത് ഇങ്ങനെ:
” ഞങ്ങൾ ഫകുണ്ടോ മെഡിനയെ വിളിച്ച് ടീമിലേക്ക് എടുത്ത കാര്യം പറഞ്ഞു. ഉടൻ തന്നെ അദ്ദേഹം ടിക്കറ്റ് എടുക്കുകയായിരുന്നു. സ്വന്തം പണം ചെലവഴിച്ചു കൊണ്ടാണ് അദ്ദേഹം ടിക്കറ്റ് എടുത്തത്. അദ്ദേഹത്തിന്റെ പരിശീലകനോട് സംസാരിച്ചതും മെഡിന തന്നെയാണ്. ഇന്ന് രാവിലെ അദ്ദേഹം ക്യാമ്പിൽ എത്തി. ഒരു വലിയ സന്ദേശമാണ് ഇതുവഴി അദ്ദേഹം ടീമിന് നൽകുന്നത്. തീർച്ചയായും ഈ ടീമിനോടൊപ്പം എത്താൻ അദ്ദേഹം ആഗ്രഹിച്ചിരുന്നു. അദ്ദേഹം ചെയ്തത് മൂല്യമുള്ള കാര്യമാണ് “ ലയണൽ സ്കലോണി പറഞ്ഞു.