ഇംഗ്ലീഷ് പ്രീമിയർ ലീഗിൽ നടന്ന മത്സരത്തിൽ ചെൽസിക്ക് സമനില വഴങ്ങേണ്ടി വന്നിരുന്നു. മാഞ്ചസ്റ്റർ യുണൈറ്റഡാണ് സമനിലയിൽ തളച്ചിട്ടുള്ളത്. ഇരു ടീമുകളും ഓരോ ഗോളുകൾ വീതമാണ് നേടിയത്. മാഞ്ചെസ്റ്റർ യൂണൈറ്റഡിന് വേണ്ടി ബ്രൂണോ ആണ് ഗോൾ നേടിയത്. അതെ സമയം ചെൽസിക്ക് വേണ്ടി കൈസേഡോയാണ് ഗോൾ കണ്ടെത്തിയത്. മികച്ച പ്രകടനം നടത്തിയിട്ടും ആദ്യ പ്ലെയിങ് ഇലവനിൽ അർജന്റീനൻ താരമായ എൻസോ ഫെർണാണ്ടസിന് സ്ഥാനം കണ്ടെത്താൻ സാധിച്ചിരുന്നില്ല.
ഇതിൽ വൻ ആരാധക രോക്ഷമുണ്ട്. ചെൽസി പരിശീലകൻ എന്ത് കൊണ്ടാണ് അർജന്റീനൻ താരങ്ങൾക്ക് അവസരം കൊടുക്കാത്തത് എന്നാണ് ആരാധകർ ചോദിക്കുന്നത്. 107 മില്യൺ പൗണ്ട് നൽകിക്കൊണ്ട് സ്വന്തമാക്കിയ ഈ താരത്തെ എന്തുകൊണ്ട് പുറത്തിരുത്തുന്നു എന്ന ചോദ്യങ്ങളും ഉന്നയിക്കുന്നുണ്ട്. ഇതിനെ കുറിച്ച് ചെൽസി പരിശീലകൻ സംസാരിച്ചു.
എൻസോ മരെസ്ക പറയുന്നത് ഇങ്ങനെ:
” ഈ വലിയ തുക ലഭിക്കുന്നത് താരങ്ങളുടെ പ്രശ്നമല്ല. ആളുകൾ അവരിൽ നിന്നും കൂടുതൽ പ്രതീക്ഷിക്കും എന്നത് ശരിയാണ്. അവരെല്ലാം മനുഷ്യരാണ്. അവർക്ക് വേണ്ടി വലിയ തുക ചെലവഴിച്ചിട്ടുണ്ടെങ്കിൽ അത് എന്റെ പ്രശ്നമല്ല. നിങ്ങൾക്ക് താരങ്ങളെ സ്വന്തമാക്കണമെങ്കിൽ പണം ചിലവഴിക്കേണ്ടി വന്നേക്കും. വലിയ തുക ലഭിച്ചത് കൊണ്ട് നിങ്ങൾ എപ്പോഴും മികച്ച പ്രകടനം നടത്തണമെന്നില്ല. തുകയുടെ അടിസ്ഥാനത്തിലല്ല അർഹത തീരുമാനിക്കുന്നത്. അവർ ഫുട്ബോൾ താരങ്ങളാണ്. എപ്പോഴും ടോപ്പ് ലെവലിൽ തുടരാൻ കഴിയില്ല ” എൻസോ മരെസ്ക പറഞ്ഞു.
