റയൽ മാഡ്രിഡ് ഏറ്റവും കൂടുതൽ പ്രതീക്ഷയോടെ കണ്ട ട്രാൻസ്ഫറായിരുന്നു ഫ്രഞ്ച് താരമായ കിലിയൻ എംബാപ്പയുടേത്. എന്നാൽ ഭേദപ്പെട്ട പ്രകടനം മാത്രമാണ് അദ്ദേഹം നിലവിൽ ടീമിൽ നടത്തുന്നത്. അതിൽ ആരാധകർ നിരാശയിലാണ്. 16 മത്സരങ്ങൾ കളിച്ചിട്ട് 8 ഗോളുകളാണ് അദ്ദേഹം നേടിയിട്ടുള്ളത്. അതിൽ മൂന്ന് ഗോളുകളും പെനാൽറ്റിയിൽ നിന്നാണ് അദ്ദേഹം സ്വന്തമാക്കിയിട്ടുള്ളത്. എംബപ്പേ അവസാനം കളിച്ച 7 മത്സരങ്ങളിൽ നിന്നായി താരത്തിന് നേടാൻ സാധിച്ചത് ഒരു ഗോൾ മാത്രമാണ്.
എന്നാൽ സഹതാരമായ വിനീഷ്യസ് ജൂനിയർ തകർപ്പൻ പ്രകടനമാണ് ഇപ്പോൾ നടത്തുന്നതും. 7 മത്സരങ്ങൾ കളിച്ച താരം 12 ഗോളുകളും 7 അസിസ്റ്റുകളും സ്വന്തമാക്കിയിട്ടുണ്ട്. മുൻ ഫ്രഞ്ച് താരമായിരുന്ന റോബർട്ട് പൈറസ് താരങ്ങൾ ഇനി ചെയ്യണ്ട കാര്യങ്ങളെ കുറിച്ച് സംസാരിച്ചിരിക്കുകയാണ്.
റോബർട്ട് പൈറസ് പറയുന്നത് ഇങ്ങനെ:
” ഫ്രാൻസിലും സ്പെയിനിലും വലിയ വിമർശനങ്ങളാണ് ഇപ്പോൾ എംബപ്പേക്ക് ലഭിച്ചുകൊണ്ടിരിക്കുന്നത്. നിലവിൽ അദ്ദേഹം അദ്ദേഹത്തിന്റെ മികച്ച ഫോമിൽ അല്ല. റയലിന്റെ പ്രധാനപ്പെട്ട താരമായി മാറാൻ അദ്ദേഹത്തിന് കഴിഞ്ഞിട്ടില്ല. ഗോളുകൾ നേടുന്നില്ല. അവസരങ്ങൾ ഒരുക്കുന്നില്ല. എംബപ്പേ വന്നതുകൊണ്ട് തന്നെ വലിയ പ്രതീക്ഷകൾ ഉണ്ടായിരുന്നു. പുതിയ ലീഗും പുതിയ സഹതാരങ്ങളുമാണ് അദ്ദേഹത്തിന് ലഭിച്ചിട്ടുള്ളത്”
റോബർട്ട് പൈറസ് തുടർന്നു:
Read more
“അഡാപ്റ്റാവാൻ സമയമെടുക്കും. തന്റെ പ്രകടനം മെച്ചപ്പെടുത്തേണ്ടതുണ്ട് എന്ന് അദ്ദേഹം തന്നെ മനസ്സിലാക്കണം.വിനീഷ്യസുമായി അഡാപ്റ്റാവാൻ എംബപ്പേ ശ്രമിക്കണം. റയലിന്റെ ടാക്റ്റിക്കൽ സിസ്റ്റവുമായി അഡാപ്ടവാൻ എംബപ്പേ ശ്രമിക്കണം. പരിശീലകൻ ആഞ്ചലോട്ടി ചെയ്യേണ്ട കാര്യം രണ്ടുപേർക്കും അനുയോജ്യമായ ഒരു ശൈലി ഉണ്ടാക്കിയെടുക്കുക എന്നതാണ് ” റോബർട്ട് പൈറസ് പറഞ്ഞു.
