ലോകത്തിലെ ഏറ്റവും പ്രായം കുറഞ്ഞ മികച്ച കളിക്കാരുടെ ലിസ്റ്റ് എടുത്താൽ അതിൽ ഒന്നാം സ്ഥാനത്ത് നിൽക്കുന്നത് സ്പാനിഷ് താരമായ ലാമിന് യമാൽ ആയിരിക്കും. ഈ വർഷം നടന്ന യൂറോകപ്പിൽ സ്പെയിനിന്‌ വേണ്ടി തകർപ്പൻ പ്രകടനമാണ് താരം നടത്തിയത്. യൂറോകപ്പിൽ പ്രായം കുറഞ്ഞ ഗോൾ നേടുന്ന താരവും, പ്രായം കുറഞ്ഞ മികച്ച താരത്തിനുള്ള പുരസ്കാരവും സ്വന്തമാക്കിയത് ലാമിന് യമാൽ ആണ്.
ക്ലബ് ലെവലിൽ അദ്ദേഹം ബാഴ്സിലോണയ്ക്ക് വേണ്ടിയാണ് കളിക്കുന്നത്. ക്ലബിലും അദ്ദേഹം മിന്നും ഫോമിലാണ് ഇപ്പോൾ ഉള്ളത്. യമാലിന്റെ മികവ് ബാഴ്സലോണ സ്ട്രൈക്കർ ആയ റോബർട്ട് ലെവന്റോസ്ക്കിക്ക് കൂടി ഏറെ ഗുണം ചെയ്യുന്ന ഒന്നാണ്. നിരവധി ഗോളവസരങ്ങൾ ഇപ്പോൾ അദ്ദേഹത്തിന് ലഭിക്കുന്നുണ്ട്. യമാലിനെ കുറിച്ച് റോബർട്ട് ലെവന്റോസ്ക്കി സംസാരിച്ചിരിക്കുകയാണ്.
റോബർട്ട് ലെവന്റോസ്ക്കി പറയുന്നത് ഇങ്ങനെ:
” ലോകത്തിലെ ഏറ്റവും മികച്ച താരങ്ങളിൽ ഒരാളാണ് യമാൽ.ലോകത്തിലെ ഏറ്റവും മികച്ച വിങ്ങർ അദ്ദേഹമാണ്.17 വയസ്സ് മാത്രമേ അദ്ദേഹത്തിന് ആയിട്ടുള്ളൂ. ഇനിയും ഒരുപാട് കരിയർ ബാക്കിയുണ്ട്. ചില സമയങ്ങളിൽ എങ്ങനെ നിങ്ങൾ കരിയർ സ്റ്റാർട്ട് ചെയ്യുന്നു എന്നുള്ളതിന് പ്രാധാന്യം ഉണ്ടാവില്ല.എങ്ങനെ അവസാനിപ്പിക്കുന്നു എന്നുള്ളതിനാണ് പ്രാധാന്യം.യമാൽ ഇതുപോലെതന്നെ ദീർഘകാലം തുടർന്നു പോകേണ്ടതുണ്ട് ” റോബർട്ട് ലെവന്റോസ്ക്കി പറഞ്ഞു.
ബാഴ്സിലോണയ്ക്ക് വേണ്ടി 59 മത്സരങ്ങളിൽ നിന്നും 11 ഗോളുകൾ നേടാൻ താരത്തിന് സാധിച്ചിട്ടുണ്ട്. ഒപ്പം14 അസിസ്റ്റുകളും. അന്താരാഷ്ട്ര മത്സരത്തിൽ സ്പെയിനിന്‌ വേണ്ടി 16 മത്സരങ്ങളിൽ നിന്നായി മൂന്ന് ഗോളുകളും അദ്ദേഹം നേടിയിട്ടുണ്ട്