ഡല്‍ഹിക്കെതിരായ മത്സരത്തില്‍ ഹാട്രിക്ക് നേടിയ ശേഷം ഇയാന്‍ ഹ്യം ബ്ലാസ്റ്റേഴ്‌സ് ബെഞ്ചിലേക്കു നോക്കി കാണിച്ച ആംഗ്യം അരാധകര്‍ ശ്രദ്ധിച്ചിരുന്നു. ഈ സീസണിലെ തന്റെ ആദ്യ ഗോള്‍ നേടിയ മത്സരത്തില്‍ തന്നെ ഹാട്രിക്കും നേടിയ ശേഷം ഹ്യൂം കാണിച്ച ആംഗ്യത്തിന്റെ രഹസ്യമെന്തെന്ന് ആരാധകര്‍ക്കിടയില്‍ ഏറെ ചര്‍ച്ചയും നടന്നിരുന്നു.
എന്നാല്‍ അതിനു പിറകിലെ രഹസ്യവും ഒരു വെല്ലുവിളിയുടെ കഥയും ഇപ്പോള്‍ വെളിവായിരിക്കയാണ്.
മത്സരത്തില്‍ ഹ്യൂം ഹാട്രിക്ക് നേടിയാല്‍ തന്റെ താടി വടിക്കാമെന്നു ബ്ലാസ്റ്റേഴ്‌സ് സ്‌പോര്‍ട്ടിങ്ങ് മാനേജര്‍ ആന്റണി തോമസിന്റെ വെല്ലുവിളിയ്ക്കാണ് ഹ്യൂം “അച്ചട്ടക്ക” മറുപടി നല്‍കിയത്. ബ്ലാസ്റ്റേഴ്‌സ് താരങ്ങളെ പോലും അമ്പരപ്പിച്ച് വെല്ലുവിളി ഏറ്റെടുത്ത് ഹ്യൂം ഹാട്രിക്കും നേടുകയായിരുന്നു.
This is what happens when you tell a player he can take your beard off in exchange for a hat-trick! Here's @ThomAntony fresh from a trim by our very own @Humey_7 pic.twitter.com/6Q3D0JrxcR
— CK Vineeth (@ckvineeth) January 12, 2018
ഈ വെല്ലുവിളിയുടെ കഥയും ആന്റണി തോമസിന്റെ താടി വടിച്ചു കളഞ്ഞതിനു ശേഷമുള്ള ചിത്രവും മലയാളി താരം സി.കെ.വിനീതാണ് സാമൂഹ്യ മാധ്യമങ്ങളില്‍ പോസ്റ്റു ചെയ്തത്. ഇതോടെയാണ് ഈ രഹസ്യം അങ്ങാടിപ്പാട്ടായത്.
ബ്ലാസ്റ്റേഴ്‌സ് ടീമംഗങ്ങളോട് ഹ്യൂമിനുള്ള അടുപ്പമാണ് ഇതു കാണിക്കുന്നതെന്നാണ് ആരാധകര്‍ പറയുന്നത്. എന്നും ഇതു പോലെയുള്ള വെല്ലുവിളികള്‍ നടത്തി ഹ്യൂമേട്ടനെക്കൊണ്ട് ഗോളുകള്‍ അടിപ്പിക്കണമെന്നും ആരാധകര്‍ തമാശ രൂപത്തില്‍ പറയുന്നു.
Read more
മത്സരത്തില്‍ തലയ്ക്ക് പരിക്കു പറ്റിയിട്ടും കളി തുടര്‍ന്നാണ് ഹ്യൂം തന്റെ ഹാട്രിക്ക് തികച്ചത്. മുന്‍ പരിശീലകന്‍ റെനെ മാറി ഡേവിഡ് ജയിംസ് ടീമിലെത്തിയതില്‍ പിന്നെ കേരള ബ്ലാസ്റ്റേഴ്‌സിനും ഇയാന്‍ ഹ്യൂമിനും ഒരു പുത്തനുണര്‍വു തന്നെയുണ്ട്.
