ലോക ഫുട്ബോളിലെ രാജാക്കന്മാരാണ് ലയണൽ മെസിയും, ക്രിസ്റ്റ്യാനോ റൊണാൾഡോയും. ഇരുവരും ഫുട്ബാളിൽ ഇനി തെളിയിക്കാനായി ഒന്നും തന്നെയില്ല. തങ്ങളുടെ കരിയറിന്റെ അവസാന ഘട്ടത്തിലൂടെയാണ് താരങ്ങൾ കടന്നു പോകുന്നതെന്നും വൈകാതെ തന്നെ വിരമിക്കാൻ സാധ്യത ഉണ്ടെന്നും ഇരുവരും പറഞ്ഞിരുന്നു.
2026 ലോകകപ്പിന് ശേഷം ഇരു താരങ്ങളും തന്റെ വിരമിക്കൽ പ്രഖ്യാപിക്കും എന്ന് റിപ്പോട്ടുകൾ വന്നിരുന്നു. അടുത്ത ലോകകപ്പിൽ റൊണാൾഡോയുടെ ആവശ്യം ഇല്ല എന്ന് പറഞ്ഞിരിക്കുകയാണ് മുൻ ചെൽസി താരമായ ജിമ്മി ഫ്ലോയ്ഡ്.
ജിമ്മി ഫ്ലോയ്ഡ് പറയുന്നത് ഇങ്ങനെ:
” 2026 ലോകകപ്പിൽ റൊണാൾഡോയുടെ ആവശ്യമില്ല. നാളുകൾ ഏറെയായി ലോകത്തിലെ ഏറ്റവും മികച്ച താരമായി അദ്ദേഹം നിലനിൽക്കുകയാണ്. ഒരു പക്ഷെ ചരിത്രത്തിലെ തന്നെ ഏറ്റവും മികച്ച താരമാണ് അദ്ദേഹം. അവൻ അവനെ തന്നെ ദ്രോഹിക്കുകയാണ് പോർച്ചുഗലിന് വേണ്ടി കളിച്ച്”
ജിമ്മി ഫ്ലോയ്ഡ് തുടർന്നു:
” എന്നോട് മെസിയാണോ റൊണാൾഡോയാണോ മികച്ചതെന്ന് ചോദിച്ചാൽ ഞാൻ റൊണാൾഡോയെ തിരഞ്ഞെടുക്കും. എന്നും മികച്ച ലെവലിൽ എത്താൻ അദ്ദേഹം എന്ത് വേണമെങ്കിലും ചെയ്യും. ആ മെന്റാലിറ്റിയാണ് അവനുള്ളത്‌. നമ്മളെ എല്ലാവരും ഫുട്ബോൾേഴ്‌സ് ആയിട്ടാണ് അറിയുന്നത്. എനിക്ക് നന്നായി അറിയാം എന്നെ ആവശ്യമായ സമയം എപ്പോഴാണെന്നും ഞാൻ ഇറങ്ങി പോകേണ്ട സമയം എപ്പോഴാണെന്നും. റൊണാൾഡോ പിന്മാറി യുവ തലമുറയ്ക്ക് അവസരം നൽകണം” ജിമ്മി ഫ്ലോയ്ഡ് പറഞ്ഞു.
