ഇന്ത്യൻ സൂപ്പർ ലീഗിന്റെ അടുത്ത സീസണിൽ ഇതിലും മികച്ച രീതിയിൽ കളിക്കാനാകുമെന്ന് കേരള ബ്ലാസ്റ്റേഴ്‌സിന്റെ മലയാളി സൂപ്പർ താരം സഹൽ അബ്ദുൽ സമദ്. അതിനായുള്ള കഠിനാധ്വാനം തുടരുകയാണ് എന്നും അദ്ദേഹം പറഞ്ഞു. കായിക മാധ്യമമായ ദ ബ്രിജിന് നൽകിയ അഭിമുഖത്തിൽ സംസാരിക്കുകയായിരുന്നു സഹല്‍. വിദേശത്ത് പരിശീലനത്തിന് പോകുന്നതുമായി ബന്ധപ്പെട്ട അഭ്യൂഹങ്ങളോടും താരം പ്രതികരിച്ചു.
‘ക്ലബ് ചരിത്രത്തിലെ റ്റവും മികച്ച സീസണായിരുന്നു കഴിഞ്ഞു പോയത്.നല്ല ആത്മവിശ്വാസം ഉണ്ടായിരുന്നു എനിക്ക് .സഹ താരങ്ങളും കോച്ചും പിന്തുണച്ചു ,അതുകൊണ്ട് എന്റെ ഏറ്റവും മികച്ചത് പുറത്തെടുക്കാൻ സാധിച്ചു. അടുത്ത സീസണിലും മെച്ചപ്പെട്ട പ്രകടനം തുടരും, നന്നായി അധ്വാനിക്കും – താരം പറഞ്ഞു.
ഒപ്പം ഫൈനലുമായി ബന്ധെപ്പറ്റും താരം സംസാരിച്ചു ” ഫൈനലിൽ തോറ്റത് ഇപ്പോളും ഓർക്കുമ്പോൾ നിരാശയാണ്. ബബ്ൾ ജീവിതം ബുദ്ധിമുട്ടുകൾ നിറഞ്ഞതായിരുന്നു. എങ്കിലും ചെറിയ നിമിഷങ്ങൾ ഞങ്ങൾ ആസ്വദിച്ചു” ഇംഗ്ലീഷ് ക്ലബ്ബിലേക്ക് കൂടുമാറും എന്ന വാർത്തയോട് പ്രതികരിച്ചത് ഇങ്ങനെ “കേരള ബ്ലാസ്റ്റേഴ്‌സാണ് എനിക്കെല്ലാം. സന്തോഷ് ട്രോഫിയിൽ നിന്ന് അവരാണ് എന്നെ കണ്ടെത്തിയത്. വലിയ കളിക്കാരനാക്കുന്നതിൽ ക്ലബ് ഏറെ സഹായിച്ചു. വിദേശത്ത് 2-3 ആഴ്ച പരിശീലനം കിട്ടുന്നത് ഗുണകരമാണ്. എന്നാൽ ഇപ്പോഴും ഞാനൊരു ബ്ലാസ്‌റ്റേഴ്‌സ് കളിക്കാരനാണ്”
സഹൽ നിറഞ്ഞാടിയ സീസണായിരുന്നു കടന്നുപോയത്. അതിനാൽ തന്റെ ഫൈനലിൽ താരത്തിന്റെ അഭാവം നിഴലിച്ചു എന്ന് പറയാം