Connect with us
https://southlive.in/wp-content/uploads/2018/08/728-x-90-pix.jpg

FOOTBALL

നെയ്മറുടെ ട്രാന്‍സ്ഫറില്‍ പ്രതികരണവുമായി സ്പാനിഷ് പ്രധാനമന്ത്രിയും

, 1:02 pm

നെയ്മര്‍ റയല്‍ മാഡ്രിഡിലെത്തുമോയെന്ന ചോദ്യം ഫുട്‌ബോള്‍ ലോകത്ത് ചൂടുപിടിക്കെയാണ് ഇന്ന് റയലിന്റെ തട്ടകത്തില്‍ പിസ്ജി പന്തുതട്ടാനിറങ്ങുന്നത്. ജനുവരി ട്രാന്‍സ്ഫര്‍ ജാലകം തുടങ്ങുന്നതിനു മുന്‍പേ തുടങ്ങിയ പ്രധാന ട്രാന്‍സ്ഫര്‍ അഭ്യൂഹമാണ് പിഎസ്ജിയുടെ ബ്രസീലിയന്‍ സൂപ്പര്‍ താരം നെയ്മര്‍ റയലിലേക്കു ചേക്കേറുമെന്നത്.

ഫുട്‌ബോള്‍ രംഗത്തെ നിരവധി താരങ്ങള്‍ മുന്‍ ബാഴ്‌സ താരം റയലിലേക്കു ചേക്കേറുമെന്ന അഭ്യൂഹങ്ങളോട് പല തരത്തില്‍ പ്രതികരിക്കുകയും ചെയ്തിരുന്നു. സമ്മര്‍ ട്രാന്‍സ്ഫര്‍ ജാലകത്തില്‍ എല്ലാവരും ഉറ്റു നോക്കുന്നതും ആ വാര്‍ത്തയിലേക്കായിരിക്കുമെന്നുറപ്പാണ്.

ഫുട്‌ബോള്‍ താരങ്ങള്‍ക്കു പുറമേ സ്‌പെയിനിന്റെ പ്രധാനമന്ത്രിയായ മരിയാനോ രഹോയും നെയ്മര്‍ ട്രാന്‍സ്ഫറില്‍ പ്രതികരണവുമായി രംഗത്തെത്തിയിട്ടുണ്ട്. റയലിന്റെ കടുത്ത ആരാധകനായ രഹോയ്ക്ക് പക്ഷേ നെയ്മര്‍ റയല്‍ മാഡ്രിഡിലെത്തുന്നതില്‍ തീരെ താല്‍പര്യമില്ല. മാഡ്രിഡിന്റെ വെള്ള ജേഴ്‌സിയില്‍ നെയ്മറെ കാണാന്‍ തനിക്ക് താല്‍പര്യമില്ലെന്ന് രഹോയ് പറഞ്ഞു.

എന്നാല്‍ പിഎസ്ജിയും റയലും തമ്മിലുള്ള ചാമ്പ്യന്‍സ് ലീഗ് പോരാട്ടത്തിന് താന്‍ കാത്തിരിക്കയാണെന്ന് റഹോയ് വ്യക്തമാക്കി. ഇരു ടീമുകളും മികച്ചതായതു കൊണ്ട് പോരാട്ടം കനക്കുമെന്നാണ് രഹോയുടെ അഭിപ്രായം. എന്നാല്‍ ലാലിഗയിലും കോപ ഡെല്‍ റേയിലും കിരീട പോരാട്ടത്തില്‍ നിന്നും പുറത്തായതു കൊണ്ട് ചാമ്പ്യന്‍സ് ലീഗ് മത്സരത്തില്‍ റയല്‍ കൈമെയ് മറന്നു പോരാടുമെന്നാണ് റഹോയിയുടെ അഭിപ്രായം.

ഫുട്‌ബോള്‍ ലോകം വമ്പന്‍ ആവേശത്തോടെ കാത്തിരിക്കുന്ന പോരാട്ടം ഇന്നു രാത്രി 1.15നാണ്. മത്സരത്തിനുള്ള എണ്‍പതിനായിരത്തോളം ടിക്കറ്റുകള്‍ വെറും 37 മിനുട്ടുകള്‍ കൊണ്ടാണ് വിറ്റഴിഞ്ഞത്. പിഎസ്ജിയോട് തോറ്റ് ചാമ്പ്യന്‍സ് ലീഗില്‍ നിന്നും പുറത്തായാല്‍ സിദാന്റെ ഭാവിയും അവതാളത്തിലാകുമെന്നുറപ്പാണ്.

Advertisement