ലയണൽ മെസി എന്ന ലോക ഫുട്‍ബോളിലെ ഏറ്റവും മികച്ച താരം ടീമിൽ എത്തിയതോടെ അമേരിക്കൻ ലീഗിൽ തപ്പി തടഞ്ഞ് മുന്നേറിയിരുന്ന ഇന്റർ മിയാമി ഇപ്പോൾ ഭേദപ്പെട്ട വാസ്ഥയിലേക്ക് എത്തുകയാണ്, മെസി എത്തിയ ശേഷം ഒരു മത്സരം പോലും തോൽവി അറിയാത്ത ടീം ഇതിനകം ഒരു കിരീടം കൂടി നേടി കഴിഞ്ഞു. മെസിയുടെ വരവ് ആ ടീമിൽ വരുത്തിയ പോസിറ്റീവ് മനോഭാവം താരങ്ങളുടെ പ്രകടനങ്ങളിലും പ്രകടമായി കാണാൻ പറ്റും.
എന്തായാലും മെസി എന്ന ലോകഫുട്‍ബോൾ കണ്ട ഏറ്റവും മികച്ച താരം താരങ്ങൾക്ക് മാത്രമല്ല ടീമിനെ പിന്തുണക്കുന്ന ആരാധകർക്കും സന്തോഷം നൽകുകയാണ്. ഇന്റർ മിയാമിയെ പുച്ഛിച്ചവർ ഒകെ ടീമിന്റെ ആരാധകർ ആയി മാറുമ്പോൾ മെസിയെയും പ്രമുഖർ പുകഴ്ത്തുന്നു. എന്നാൽ ഫുട്ബോൾ ലോകത്തെ സ്വയം പ്രഖ്യാപിത ഏറ്റവും മികച്ച തരാം സ്ലാറ്റൻ ഇബ്രാഹിമോവിചിന് ഇതൊനോടൊന്നും വലിയ മതിപ്പില്ല. മെസിയെ ഇഷ്ടമാണെങ്കിലും അദ്ദേഹം ഈ ചെറിയ ലീഗിൽ ഗോളടിച്ചുകൂട്ടുന്ന രീതിയെ ഇബ്ര വിമർശിച്ചു.
മെസി ഗോൾ നേടുന്നത് വെള്ളം കുടിക്കുന്നത് പോലെ എളുപ്പമാണ്. ലോകത്തിലെ ഏറ്റവും മികച്ച ഫുട്ബോൾ കളിക്കാരിൽ ഒരാളാവാം മെസ്സി. പക്ഷെ ഈ ലീഗിന്റെ നിലവാരം നോക്കിയാൽ മെസ്സിക്ക് എല്ലാ കളിയിലും കുറഞ്ഞത് ഏഴ് (7) ഗോളെങ്കിലും സ്കോർ ചെയ്യണം, കാരണം മെസി കളിക്കുന്നത് പ്രൊഫഷണൽ താരങ്ങൾക്ക് എതിരായിട്ട് അല്ല മറിച്ച് കുട്ടികൾക്ക് എതിരായിട്ടാണ്. ചെറിയ ലീഗിൽ ഗോളടിക്കുന്നത് വലിയ കാര്യമല്ല.” സ്ലാട്ടൻ പറഞ്ഞു.
ചില സമയം മെസിയെ പുകഴ്ത്തുന്ന താരം ചില സമയത്ത് അദ്ദേഹത്തിനെതിരെയും അഭിപ്രായങ്ങൾ പറയാറുണ്ട്.