ലോകത്തിലെ ഏറ്റവും മികച്ച ഫുട്ബോൾ താരമാണ് അർജന്റീനൻ ഇതിഹാസം ലയണൽ മെസി. തന്റെ ഫുട്ബോൾ കരിയറിൽ മെസി ഇനി നേടാനായി ഒരു ട്രോഫി പോലും ബാക്കിയില്ല. തന്റെ കരിയറിന്റെ അവസാന ഘട്ടത്തിലൂടെയാണ് മെസി ഇപ്പോൾ കടന്നു പോകുന്നത്. എന്നാൽ മെസിയെക്കാളും ഏറ്റവും മികച്ച താരമായ ഒരാൾ ഉണ്ടെന്നും മെസിയുടെ മികവിൽ എല്ലാവരും അദ്ദേഹത്തെ മറന്നതാണെന്നും പറഞ്ഞിരിക്കുകയാണ് മുൻ അർജന്റീനൻ താരം ജാവിയര്‍ സാവിയോള.
ജാവിയര്‍ സാവിയോള പറയുന്നത് ഇങ്ങനെ:
” സെര്‍ജിയോ ബുസ്‌ക്വെറ്റ്‌സ് അസാധാരണ കഴിവുള്ള ഫുട്‌ബോളറായിരുന്നു. കളിക്കളത്തില്‍ വളരെയധികം ബുദ്ധിശാലിയുമായിരുന്നു അദ്ദേഹം. അതു വാക്കുകള്‍ക്കും അപ്പുറമാണ്. ബാഴ്‌സലോണയിലെയും ഇപ്പോള്‍ ഇന്റര്‍ മയാമിയിലേയും ബുസ്‌ക്വെറ്റ്‌സിന്റെ മല്‍സരങ്ങള്‍ കാണുമ്പോള്‍ നിങ്ങള്‍ക്കു ഇതു മനസ്സിലാവും. എത്ര സ്വാഭാവികമായിട്ടാണ് അദ്ദേഹം കളിക്കുന്നതെന്നു നിങ്ങള്‍ തിരിച്ചറിയും. ബുദ്ധിമുട്ടേറിയ കാര്യം പോലും വളരെ സിംപിളായി നമുക്കു തോന്നും”
ജാവിയര്‍ സാവിയോള തുടർന്നു:
” ബാഴ്‌സലോണ ടീമിലെ മറ്റു പല വമ്പന്‍ താരങ്ങളെയും പോലെ വലിയൊരൂ പ്രൊഫൈല്‍ ഇല്ലാത്തതു കാരണം പല തവണ സെര്‍ജിയോ ബുസ്‌ക്വെറ്റ്‌സിന്റെ പ്രകടനവും ശ്രദ്ധിക്കപ്പെടാതെ പോയിട്ടുണ്ട്. കളിയില്‍ അദ്ദേഹമുണ്ടാക്കിയിരുന്ന ഇംപാക്ട് വളരെ വലുതായിരുന്നു. ചില മല്‍സരങ്ങളില്‍ അസാധാരണ പ്രകടനമാണ് ബുസ്‌ക്വെറ്റ്‌സ് കാഴ്ച വച്ചിട്ടുള്ളത്”
ജാവിയര്‍ സാവിയോള കൂട്ടിച്ചേർത്തു:
പക്ഷെ സാവി, ഇനിയേസ്റ്റ, മെസി എന്നിവരടങ്ങുന്ന ടീമില്‍ കളിക്കുമ്പോള്‍ വേണ്ടത്ര ശ്രദ്ധ കിട്ടാതെ വരും. കാരണം ഈ മൂന്നു പേരുമാണ് ഗോളുകള്‍ സ്‌കോര്‍ ചെയ്യാറുള്ളത്. ബുസ്‌ക്വെറ്റ്‌സ് എത്ര മാത്രം കഴിവുള്ള താരമാണെന്നു ആളുകള്‍ പ്രശംസിക്കാറുണ്ട്. പക്ഷെ യഥാര്‍ഥത്തില്‍ ലഭിക്കേണ്ടിയിരുന്ന അംഗീകാരം അദ്ദേഹത്തിനു ലഭിച്ചതായി തനിക്കു എല്ലായ്‌പ്പോഴും തോന്നാറുണ്ട്” ജാവിയര്‍ സാവിയോള പറഞ്ഞു.
Read more
