പാരീസ് ഒളിംപിക്സിൽ ഇന്ത്യയ്ക്ക് വീണ്ടും മെഡൽ നേട്ടം സമ്മാനിച്ച് സ്വപ്നിൽ കുസാലെ. ഇന്ന് നടന്ന 50 മീറ്റർ റൈഫിൾ 3 പൊസിഷൻ ഇനത്തിൽ വെങ്കല മെഡൽ നേടിയ ശേഷം സ്വപ്നിൽ കുസാലെ പാരീസ് ഒളിമ്പിക്സിൽ ഇന്ത്യയുടെ മൂന്നാം മെഡൽ നേടി. 451.4 എന്ന സ്‌കോർ നേടിയ അദ്ദേഹം ചൈനയുടെ യുകുൻ ലിയുവിനെയും യുക്രെയിനിൻ്റെ സെർഹി കുലിഷിനെയും പിന്നിലാക്കി. മനു ഭക്കാർ, സെർബ്ജ്യോത് സിങ് എന്നിവർക്കു ശേഷം ഈ വർഷത്തെ ഒളിമ്പിക്സിൽ വെങ്കല മെഡൽ നേടുന്ന താരമാണ് സ്വപ്നിൽ കുസാലെ.
50 മീറ്റർ റൈഫിൾ 3 പൊസിഷൻ ഇവൻ്റ് ഫൈനലിൽ, സ്വപ്നിൽ കുസാലെ 153.3 എന്ന നിലയിൽ ആറാം സ്ഥാനത്താണ് എത്തിയത്. എന്നാൽ പ്രോൺ സ്റ്റേജ് അവസാനിച്ചപ്പോൾ, ആകെ 310.1 സ്കോറുമായി അദ്ദേഹം അഞ്ചാം സ്ഥാനത്താണ്. ഈ ഘട്ടത്തിൽ, മൂന്നാം സ്ഥാനത്തുള്ള യുക്രെയ്‌നിൻ്റെ സെർഹി കുലിഷും കുസാലെയും തമ്മിലുള്ള വ്യത്യാസം 0.6 ആയിരുന്നു. പുരുഷന്മാരുടെ 50 മീറ്റർ റൈഫിൾ 3 പൊസിഷൻസ് ഇനത്തിൽ ഒളിമ്പിക്‌സ് മെഡൽ നേടുന്ന ആദ്യ ഇന്ത്യൻ ഷൂട്ടർ എന്ന നേട്ടം സ്വപ്നിൽ സ്വന്തമാക്കി. ഒരു ഒളിമ്പിക്‌സിൻ്റെ ഒരു പതിപ്പിൽ ഇന്ത്യൻ ഷൂട്ടിംഗ് ടീം മൂന്ന് മെഡലുകൾ നേടുന്നത് ഇന്ത്യൻ ചരിത്രത്തിൽ തന്നെ ഇത് ആദ്യമായിട്ടാണ്.
Read more
50 മീറ്റർ റൈഫിൾ 3 പൊസിഷൻസ് ഫൈനലിൽ 15 ഷോട്ടുകൾ വീതമുള്ള മൂന്ന് റൗണ്ടുകൾ ആണ് നടത്തുന്നത്. അതിൽ യഥാക്രമം മുട്ടുകുത്തിയും, പ്രോൺ, നിൽക്കുന്ന സ്ഥാനങ്ങളിൽ നിന്ന് 15 ഷോട്ടുകൾക്ക് ശേഷം, എലിമിനേഷൻ റൗണ്ടാണ് നടത്തുന്നത്. ഈ വർഷത്തെ ഒളിമ്പിക്സിന്റെ ആറാം ദിവസത്തിൽ നിന്നുമായി ഇന്ത്യ 3 വെങ്കല മെഡലുകൾ ആണ് നേടിയിരിക്കുന്നത്. നിലവിലെ സാഹചര്യത്തിൽ ഇന്ത്യ ഇപ്പോൾ 41 ആം സ്ഥാനത്താണ് നിൽക്കുന്നത്. 20 മെഡലുകളുമായി ചൈന ആണ് ഇപ്പോൾ ഒന്നാമത് നിൽക്കുന്നത്. അതിൽ 10 സ്വർണവും, 7 വെള്ളിയും, 3 വെങ്കലവും ആണ് അവർ നേടിയത്.
