പാരീസ് ഒളിമ്പിക്സിൽ വനിതാ വിഭാഗത്തിൽ എയർ പിസ്റ്റൾ മത്സരത്തിൽ ഇന്ത്യയ്ക്കായി ആദ്യ മെഡൽ നേടിയ താരമാണ് മനു ഭക്ക്ർ. ഇനിയും ഒരുപാട് താരങ്ങൾ മെഡലുകൾ നേടും എന്ന പ്രതീക്ഷയിലാണ് ഇന്ത്യൻ ജനത. എന്നാൽ ഒളിമ്പിക്സിൽ സമ്മാനമായി നൽകുന്ന സ്വർണം ശെരിക്കും സ്വർണം തന്നെ ആണോ? ഈ ചോദ്യമാണ് ലോകം മുഴുവൻ ചോദിക്കുന്നത്. സ്വർണ മെഡൽ കാഴ്ച്ചയിൽ മാത്രമാണ്. അതിൽ ആറ് ശതമാനം മാത്രമായിരിക്കും സ്വർണത്തിന്റെ അംശം കാണുക. ബാക്കി 94 ശതമാനവും വെള്ളി ആയിരിക്കും.
ഈ കാര്യം 2021 ഇൽ അന്താരാഷ്ട്ര ഒളിമ്പിക്സ് കമ്മിറ്റി രേഖപ്പെടുത്തിയിരുന്നു. മൂന്നാം സമ്മാനം ലഭിക്കുന്ന വെങ്കല മെഡലിന് 95 ശതമാനം ചെമ്പും ബാക്കി വരുന്ന 5 ശതമാനം സിങ്ക് എന്ന കെമിക്കൽ സബ്സ്റ്റൻസും കൂടി ചേരുന്നതാണ്. ഈ മെഡലുകളുടെ മൂല്യം ഒരിക്കലും കൂടുതൽ അല്ല. സ്വർണം പൂശിയതായതു കൊണ്ട് തന്നെ അതിന്റെ 6 ശതമാനത്തിന്റെ മൂല്യമേ അതിനു കാണു. ബാക്കി വരുന്ന 94 ശതമാനത്തിന്റെ വെള്ളിക്കാണ് വില വരുന്നത്. ഒരു സ്വർണ മെഡലിന്റെ വില എന്ന് പറയുന്നത് ഏകദേശം 750 മുതൽ 850 ഡോളർ വരെയാണ് (70000 രൂപ). അതിൽ സ്വർണം പൂശിയതാണെങ്കിൽ അതിന്റെ 6 ശതമാനത്തിന്റെ പൈസയായ 30000 രൂപയും ബാക്കി 94 ശതമാനത്തിന്റെ വെള്ളിയുടെ തുകയും കൂടി ചേർത്ത 37000 രൂപയായിരിക്കും ലഭിക്കുക.
ഭൂരിഭാഗം അത്‌ലറ്റുകളും തങ്ങൾക്ക് ലഭിച്ച മെഡലുകൾ വിൽകാറില്ല. പക്ഷെ ഇത് ലേലത്തിൽ വെച്ചാൽ റെക്കോർഡ് തുക ലഭിക്കും. 2000 ത്തിൽ നടന്ന സിഡ്നി ഒളിമ്പിക്സിൽ നീന്തൽ ജേതാവായ ആന്റണി ഇർവിൻ തന്റെ സ്വർണ മെഡൽ 2005 സുനാമി ബാധിതർക്ക് സഹായം ചെയ്യാൻ വേണ്ടി ലേലത്തിന് വെച്ചിരുന്നു. ഏകദ്ദേഹം 14 ലക്ഷമാണ് അന്ന് അതിനു വേണ്ടി കിട്ടിയത്. ഇത്തവണത്തെ പാരീസ് ഒളിമ്പിക്സിലെ മെഡലുകൾക്ക് മൂല്യം കൂടുതൽ ആയിരിക്കും. കാരണം മെഡലിൽ ഈഫിൾ ടവറിന്റെ ചിത്രം കൂടി ഉള്ളത് കൊണ്ട് അതിനു മൂല്യം ഏറെയാണ്.