കോമൺവെൽത്ത് ഗെയിംസിന്റെ അവസാന ദിനം ഇന്ത്യക്ക് അഭിമാന നേട്ടവുമായി ഒളിമ്പിക് മെഡൽ ജേതാവ് പി.വി സിന്ധുവിന് സ്വർണ നേട്ടം . ഉച്ചയ്ക്ക് 1.20ന് തുടങ്ങിയ ബാഡ്‌മിന്‍റണ്‍ വനിതാ സിംഗിൾസ് ഫൈനലിൽ പി വി സിന്ധുകാനഡയുടെ മിഷേൽ ലിയെ നേരിട്ടുള്ള സെറ്റുകൾകൾക്ക് തോൽപ്പിച്ചു., സ്കോർ 21 -15 21 -13.
സിന്ധുവിന്റെ പരിചയസമ്പത്തിന് മുന്നിൽ വെല്ലുവിളി ഉയർത്താൻ എതിരാളിക്ക് ആയില്ല. അത്ര മികച്ച രീതിയിൽ എതിരാളിക്ക് ഒരു പഴുതും കൊടുക്കാതെ സിന്ധു സ്വർണം സ്വന്തമാക്കിയത്. പ്രതീക്ഷിച്ച മെഡൽ കിട്ടിയ ആവേശത്തിലാണ് ഇന്ത്യൻ ക്യാമ്പ്.
2014 ൽ വെങ്കലം 2018 ൽ വെള്ളിയും നേടിയ സിന്ധു ഈ വര്ഷം സ്വർണം നേടുമെന്ന് ആരാധകർ പ്രതീക്ഷിച്ചിരുന്നു. ഇത് ഇന്ത്യയുടെ 19 ആം സ്വർണം മെഡലാണ്, നിലവിൽ പട്ടികയിൽ നാലാം സ്ഥാനത്ത് എത്താനും ടീമിനായി.