ക്രിക്കറ്റിലും ഫുട്‍ബോളിലുമൊക്കെ താരങ്ങൾ പരസ്പരം പോരടിക്കുന്നതും ഏറ്റുമുട്ടുന്നതും ആരാധകർ കണ്ടിട്ടുണ്ട്. എന്നാൽ ബാഡ്മിന്റണിൽ അങ്ങനെ ഉള്ള കാഴ്ചകൾ ഒന്നും ആരാധകർ കണ്ടിട്ടുണ്ടാകാൻ സാധ്യതയില്ല. ഇന്നലെ അത്തരത്തിൽ ഒരു സംഭവത്തിന് കായിക ലോകത്തിന് സാക്ഷ്യം വഹിക്കേണ്ടതായി വന്നു. ഡെന്മാർക്ക് ഓപ്പൺ സെമി ഫൈനൽ മത്സരത്തിൽ പി.വി സിന്ധുവും കരോലിന മരിനുമായി ഏറ്റുമുട്ടിയപ്പോഴാണ് അത്ര സുഖകരമല്ലാത്ത ഏറ്റുമുട്ടൽ കാണേണ്ടതായി വന്നത്. മത്സരത്തിന്റെ ആദ്യ ഗെയിം മുതൽ തന്നെ കാര്യങ്ങൾ അത്ര നല്ല രീതിയിൽ പോയത്. അവസാനം ആയപ്പോൾ രംഗം കൂടുതൽ വഷളായി എന്ന് മാത്രം. സിന്ധു 18 – 21 , 21 – 19 , 7 -21 മത്സരം പരാജയപ്പെടുകയും ചെയ്തു.
പല ലോക വേദിയിൽ പരസ്പരം ഏറ്റുമുട്ടിയിട്ടുള്ള താരങ്ങൾ ആണ് ഇരുവരും. നല്ല രീതിയിൽ പരസ്പരം സൗഹൃദം സൂക്ഷിച്ചിട്ടുമുണ്ട്. എന്നാൽ കാര്യങ്ങൾ കൈവിട്ട് പോകുന്ന കാര്യങ്ങളാണ് കണ്ടത്. ആദ്യ ഗെയിമിൽ ഓരോ പോയിന്റ് കിട്ടുമ്പോഴും കരോലിന അമിതമായ ശബ്ദത്തിൽ ആഹ്ലാദം കാണിച്ചു. അപ്പോൾ തന്നെ അമ്പയർ താകീത് നൽകിയതാണ്. ഇത് രണ്ട് പ്രാവശ്യം ഇങ്ങനെ തന്നെ സംഭവിച്ചു. രണ്ടാം ഗെയിം സിന്ധു സ്വന്തമാക്കിയതോടെ മത്സരം ആവേശകരമായി. ഇതിനിടയിൽ സിന്ധു സെർവ് ചെയ്യാൻ വൈകിയപ്പോൾ സിന്ധുവിനെയും അമ്പയർ താകീത് നൽകി.
“നിങ്ങൾ മരിനോട് പറഞ്ഞിട്ട് അവൾ അനുസരിച്ചില്ലലോ. ആദ്യം അവൾ അനുസരിക്കട്ടെ എന്നിട്ട് ഞാൻ അനുസരിക്കും.” അതാണ് സിന്ധു നൽകിയ മറുപടി. പിന്നാലെ മൂന്നാം സെറ്റിൽ സിന്ധുവിന്റെ കോർട്ടിൽ വീണ ഷട്ടിൽ എടുക്കാൻ കരോലിന എത്തിയപ്പോൾ അത് സിന്ധു ചോദ്യം ചെയ്തു. അവിടെ തർക്കം തുടർന്നപ്പോൾ ഇരുവർക്കും മഞ്ഞ കാർഡ് കൊടുക്കുക ആയിരുന്നു അമ്പയർ.
അതേസമയം കുറച്ചധികം മാസങ്ങളായി മോശം ഫോമിലാണ് സിന്ധു കളിക്കുന്നത്. സമീപകാലത്ത് വലിയ വിജയങ്ങൾ ഒന്നും താരത്തിന് ഇല്ല.