സിംഗപ്പൂര്‍ ഓപ്പണ്‍ സൂപ്പര്‍ 500 സീരിസ് ബാഡ്മിന്റണ്‍ ടൂര്‍ണമെന്റില്‍ ഇന്ത്യയുടെ പി.വി.സിന്ധു ഫൈനലില്‍. സെമി ഫൈനലില്‍ ജപ്പാന്റെ സയീന കവകാമിയെ തോല്‍പ്പിച്ചാണ് സിന്ധു കലാശപ്പോരാട്ടത്തിന് യോഗ്യത നേടിയത്.
നേരിട്ടുള്ള ഗെയിമുകള്‍ക്കാണ് സിന്ധുവിന്റെ വിജയം. മത്സരം വെറും 32 മിനിറ്റ് മാത്രമാണ് നീണ്ടുനിന്നത്. സ്‌കോര്‍: 21-15, 21-7. ഇതാദ്യമായാണ് സിന്ധു സിങ്കപ്പൂര്‍ ഓപ്പണ്‍ ബാഡ്മിന്റണിന്റെ ഫൈനലില്‍ പ്രവേശിക്കുന്നത്.
ഫൈനലില്‍ ജപ്പാന്റെ അയ ഓഹോരിയോ ചൈനയുടെ വാങ് ഷിയിയോ ആയിരിക്കും സിന്ധുവിന്റെ എതിരാളി.
