Connect with us
https://southlive.in/wp-content/uploads/2018/08/728-x-90-pix.jpg

BEING SOCIAL

ഫെയ്‌സ്ബുക്കില്‍ പുതിയ മാറ്റം: കമന്റുകള്‍ക്ക് ഡൗണ്‍വോട്ട് ബട്ടണ്‍ വന്നേയ്ക്കും

, 5:19 pm

ന്യൂസ്ഫീഡ് പരിഷ്‌ക്കരണങ്ങള്‍ക്ക് പിന്നാലെ ഫെയ്‌സ്ബുക്കില്‍ പുതിയ മാറ്റം വരുന്നു. കമന്റുകള്‍ക്ക് ഉടന്‍ ഡൗണ്‍വോട്ട് ബട്ടണ്‍ വന്നേയ്ക്കുമെന്നാണ് ചില റിപ്പോര്‍ട്ടുകള്‍ സൂചിപ്പിക്കുന്നത്. റെഡ്ഡിറ്റ്, ക്വോറ തുടങ്ങിയ സോഷ്യല്‍ മീഡിയ പ്ലാറ്റ്‌ഫോമുകളില്‍ ഇത് നിലവില്‍ ഉപയോഗിക്കുന്നുണ്ട്.

ഫെയ്‌സ്ബുക്കിന്റെ ഏറ്റവും പുതിയ ന്യൂസ്ഫീഡ് പരിഷ്‌ക്കരണവുമായി ബന്ധപ്പെട്ട് തന്നെയാണ് പുതിയ മാറ്റവും. പുതിയ പരിഷ്‌ക്കാരം അനുസരിച്ച് ഫെയ്‌സ്ബുക്ക് പ്രോത്സാഹിപ്പിക്കുന്നത് ഉപയോക്താക്കള്‍ തമ്മിലുള്ള ഇടപെടലുകളാണ്. അതായത് ലൈക്ക്, കമന്റ് എന്നിവ. ഫെയ്‌സ്ബുക്ക് എന്‍ഗേജ്‌മെന്റിന്റെ മെട്രിക്‌സില്‍ പ്രധാനപ്പെട്ട ഒന്നാണ് കമന്റുകള്‍.

നെഗറ്റിവിറ്റിയുള്ള കമന്റുകള്‍ പ്രോത്സാഹിപ്പിക്കാതിരിക്കുന്നതിനാണ് ഡൗണ്‍വോട്ട് ബട്ടണ്‍ അവതരിപ്പിക്കുന്നത്. ഇഷ്ടപ്പെട്ട കമന്റുകള്‍ ഇപ്പോള്‍ തന്നെ ലൈക്ക് ചെയ്യാന്‍ സാധിക്കും. അത് കൂടാതെയാണ് ഡൗണ്‍വോട്ട് ഏര്‍പ്പെടുത്തുന്നത്.

ക്വോറയിലും റെഡ്ഡിറ്റിലും ഡൗണ്‍വോട്ട് അല്ലെങ്കില്‍ അപ്‌വോട്ട് ഉപയോഗിക്കുന്നത് ഏറ്റവും നല്ല കമന്റുകള്‍ മുകളില്‍ തന്നെ കാണിക്കുന്നതിനും മറ്റുമാണ്. ഫെയ്‌സ്ബുക്കില്‍ ഇപ്പോള്‍ തന്നെ ടോപ് കമന്റ്‌സ് മുകളില്‍ കാണിക്കുന്നുണ്ട്. ലൈക്കുകളുടെയും റിയാക്ഷന്റെയും അടിസ്ഥാനത്തിലാണ് ഈ കമന്റുകള്‍ ഫില്‍റ്റര്‍ ചെയ്യുന്നത്. അത് കൂടാതെ ഡൗണ്‍വോട്ട് എന്തിന് അവതരിപ്പിക്കുന്നു എന്നതിന്റെ വിശദീകരണം നല്‍കേണ്ടത് മാര്‍ക്ക് സക്കര്‍ബര്‍ഗ് തന്നെയാണ്.

നേരത്തെ ഡിസ്ലൈക്ക് ബട്ടണ്‍ ഏര്‍പ്പെടുത്തണമെന്ന ഉപയോക്താക്കളുടെ ആവശ്യം ഫെയ്‌സ്ബുക്ക് പ്രതിരോധിച്ചത് അത് നെഗറ്റിവിറ്റി കൊണ്ടുവരുമെന്ന് പറഞ്ഞാണ്. അതേ നെഗറ്റിവിറ്റി തന്നെയാണ് ഡൗണ്‍വോട്ട് ബട്ടണ്‍ കൊണ്ടുവരുന്നത് എന്നാണ് ആദ്യവിലയിരുത്തലുകള്‍.

അതേസമയം ഡൗണ്‍വോട്ട് ഔദ്യോഗികമായി അവതരിപ്പിക്കുന്ന കാര്യം ഇതുവരെ ഫെയ്‌സ്ബുക്ക് പ്രഖ്യാപിച്ചിട്ടില്ല. ഇതേക്കുറിച്ച് ഫെയ്‌സ്ബുക്കില്‍നിന്നുള്ള കമന്റുകളും ലഭ്യമായിട്ടില്ല. ഇതുമായി ബന്ധപ്പെട്ടുള്ള ടെസ്റ്റിംഗ് നടക്കുന്നുണ്ടെന്ന കാര്യം മാത്രമാണ് പുറത്തുവന്നിരിക്കുന്നത്.

Advertisement