Connect with us
https://southlive.in/wp-content/uploads/2018/08/728-x-90-pix.jpg

TECH UPDATES

‘ഫുള്‍ എച്ച്ഡി സിനിമ ഇനി സെക്കന്റുകള്‍ കൊണ്ട് ഡൗണ്‍ലോഡ് ചെയ്യാം’; ലോകത്തെ ആദ്യ 5 ജി സേവനം അവതരിപ്പിച്ച് ഖത്തര്‍

, 10:13 am

ടെലികോം ഉപഭോക്താക്കള്‍ക്കു ഖത്തറില്‍ നിന്നും ഒരു സന്തോഷ വാര്‍ത്ത. ലോകത്ത് ആദ്യമായി 5 ജി സേവനങ്ങള്‍ അവതരിപ്പിച്ച് ഖത്തറിലെ പൊതുമേഖല ടെലികോം കമ്പനി ഉറീഡൂ. ഖത്തറിന്റെ തലസ്ഥാനമായ ദോഹയിലാണ് 5 ജി സേവനങ്ങള്‍ അവതരിപ്പിച്ചിരിക്കുന്നത്. പേള്‍ ഖത്തര്‍ മുതല്‍ ഹമദ് രാജ്യാന്തര വിമാനത്താവളം വരെയുള്ള പ്രദേശത്താണ് 5ജി സൂപ്പര്‍നെറ്റ് ഉറീഡൂ ലഭിക്കുക.

2016 ലാണ് ഖത്തറില്‍ 5 ജി സേവനങ്ങള്‍ തുടങ്ങാനുള്ള ശ്രമം കമ്പനി ആരംഭിച്ചത്. ഡ്രൈവറില്ലാത്ത കാറുകള്‍, വിര്‍ച്വല്‍ ഓര്‍ഗമെന്റഡ് റിയാലിറ്റി തുടങ്ങിയ സൗകര്യങ്ങള്‍ രാജ്യത്ത് യഥാര്‍ത്ഥമാക്കുന്നതിനുള്ള ആദ്യപടിയായിട്ടാണ് പദ്ധതിയെ കാണുന്നത്.

ഉറീഡൂവിന്റെ 5 ജി സേവനം 3.5 ജിഗാഹെട്സ് സ്പെക്ട്രം ഉപയോഗിച്ചാണ് യാഥാര്‍ത്ഥ്യമാക്കുന്നത്. 5 ജി സേവനം ലഭിക്കാന്‍ 5ജി സാങ്കേതികവിദ്യ അധിഷ്ഠിതമായ സ്മാര്‍ട്ട് ഫോണ്‍ ആവശ്യമാണ്. ഇത് കമ്പനി തന്നെ തങ്ങളുടെ ഉപഭോക്താക്കള്‍ക്ക് നല്‍കും.

5 ജിയില്‍ ഉപയോഗിക്കുന്നത് 4ജി എല്‍ടിഇയ്ക്കു സമാനമായ സാങ്കേതികവിദ്യയാണ്. സെക്കന്റില്‍ 10 ജിഗാബൈറ്റ് വേഗമാണ് 5 ജിയില്‍ ലഭിക്കുക. 4ജി എല്‍ടിഇയില്‍ ഒരു ജിഗാബൈറ്റ് മാത്രമാണ് സെക്കന്റില്‍ ലഭിക്കുന്നത്. ഫുള്‍ എച്ച്ഡിയിലുള്ള സിനിമ ഇനി സെക്കന്റുകള്‍ കൊണ്ട് ഡൗണ്‍ലോഡ് ചെയുന്നതിന് ഇതിലൂടെ സാധിക്കൂം.

Advertisement