Connect with us
https://southlive.in/wp-content/uploads/2018/08/728-x-90-pix.jpg

TECH UPDATES

6499 രൂപയുടെ ഫോണ്‍ ഇപ്പോള്‍ 499 രൂപയ്ക്ക്; ഫ്‌ളിപ്കാര്‍ട്ട് മെഗാ ഓഫര്‍ മേള അവസാന മണിക്കൂറുകളിലേക്ക്

, 4:57 pm

ഉപഭോക്താക്കളെ വിസ്മയിപ്പിച്ച് തകര്‍പ്പന്‍ ഓഫറുമായി രാജ്യത്തെ മുന്‍നിര ഇ- കൊമേഴ്‌സ് കമ്പനിയായ ഫ്ളിപ്കാര്‍ട്ട്. ‘ബിഗ് ഷോപ്പിങ് ഡെയ്‌സ്’സിലൂടെ വമ്പന്‍ വിലക്കുറവില്‍ ഉത്പന്നങ്ങള്‍ സ്വന്തമാക്കാന്‍ ഉപഭോക്താക്കള്‍ക്ക് അവസരം ഒരുക്കിയിരിക്കുകയാണ് ഫ്‌ളിപ്കാര്‍ട്ട്. ഈ മാസം 13 ന് തുടങ്ങിയ ഓഫര്‍ 16 നാണ് സമാപിക്കുക. മൊബൈല്‍ ഫോണ്‍, ടിവി, ക്യാമറ, കംപ്യൂട്ടര്‍, ഹോം അപ്ലയന്‍സ് തുടങ്ങി നിരവധി ഉല്‍പ്പന്നങ്ങള്‍ വമ്പന്‍ ഓഫര്‍ നിരക്കിലാണ് വില്‍പ്പനക്കെത്തിയിരിക്കുന്നത്.

10,500 രൂപ രൂപ വിലയുണ്ടായിരുന്ന സ്മാര്‍ട്രോണ്‍ ടിഫോണ്‍ പി ഇപ്പോള്‍ കേവലം 6499 രൂപയ്ക്ക് സ്വന്തമാക്കാം. ഉപഭോക്താവിന്റെ കൈയ്യില്‍ പഴയ ഫോണുകള്‍ ഉണ്ടെങ്കില്‍ എക്‌സ്‌ചേഞ്ച് ഓഫറിലൂടെ 499 രൂപയ്ക്കും സ്വന്തമാക്കാം. 6000 രൂപ വരെയാണ് എക്‌സ്‌ചേഞ്ച് ഓഫറായി നല്‍കുന്നത്.

5000 mAh ബാറ്ററിയാണ് ഈ സ്മാര്‍ട്ട്‌ഫോണിന്. ഫോണിന് രണ്ടു ദിവസം വരെ ബാറ്ററി ലൈഫ് കിട്ടുമെന്ന് കമ്പനി പറയുന്നത്. 3 ജിബി റാമും എട്ടു കോറുള്ള സ്നാപ്ഡ്രാഗണ്‍ 435 പ്രൊസസറും ശക്തി പകരുന്ന ഈ ഫോണിന് 5.2 എച്ച്ഡി ഡിസ്പ്ലെയാണ് ഉള്ളത്. ആന്‍ഡ്രോയിഡ് 7.1 ആണ് ഒഎസ്. 13, 5 പിക്‌സലാണ് പിന്‍ മുന്‍ ക്യാമറകള്‍. ഹാന്‍ഡ്‌സെറ്റിന്റെ ബ്രാന്‍ഡ് അംബാസിഡര്‍ സച്ചിനാണ്. ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കറുടെ ഫോട്ടോയും ഓട്ടോഗ്രാഫും പതിച്ച ഹാന്‍ഡ്‌സെറ്റും ലഭ്യമാണ്.

29,000 രൂപയുടെ വിയു 40 ഇഞ്ച് ഫുള്‍ എച്ച്ഡി എല്‍ഇഡി ടിവി 17,499 രൂപയ്ക്കാണ് വില്‍ക്കുന്നത്. ഇതിനൊപ്പം 8000 രൂപയോളം എക്സ്ചേഞ്ച് ഓഫറായും എച്ച്ഡിഎഫ്സി കാര്‍ഡിന്‍മേല്‍ 10 ശതമാനം ക്യാഷ്ബാക്കായും ലഭിക്കും. ഇതോടെ പകുതിയ്ക്കോ അതിനും താഴെയുള്ള വിലയ്ക്കോ ടിവി സ്വന്തമാക്കാം. വിപണിയില്‍ 28,890 രൂപ വിലയുള്ള സാംസങ് 32 ഇഞ്ച് എച്ച്ഡി ടിവി വില്‍ക്കുന്നത് 16,999 രൂപയ്ക്കാണ്. വസ്ത്രങ്ങള്‍ക്കും ഫാഷന്‍ ഉല്‍പ്പന്നങ്ങള്‍ക്ക് 50 മുതല്‍ 80 ശതമാനം വരെയാണ് ഇളവ്. ഓഫര്‍ കാലാവധി ഈ മാസം 13 ന് ആരംഭിച്ച മെഗാ ഓഫര്‍ മേള ഇന്ന് അവസാനിക്കും

Advertisement