Connect with us
https://southlive.in/wp-content/uploads/2018/08/728-x-90-pix.jpg

TECH UPDATES

റെഡ്മിയെ കടത്തി വെട്ടാന്‍ ഒപ്പോ; വിപണിയില്‍ ലഭ്യമായതില്‍ വച്ച് ഏറ്റവും കുറഞ്ഞ വിലയില്‍ 6 ജിബി റാം ഫോണ്‍ ‘റിയല്‍ മീ വണ്‍’!

, 7:07 pm

സ്മാര്‍ട്ട് ഫോണ്‍ വിപണിയില്‍ വിലക്കുറവില്‍ നിരവധി അത്ഭുതങ്ങള്‍ കുത്തിനിറച്ച് തരംഗം സൃഷ്ടിച്ച് രംഗം പിടിച്ചടക്കിയിരിക്കുകയാണ് ചൈനീസ് നിര്‍മ്മാതാക്കളായ ഷവോമി. ഇത് ചുമ്മാ പറച്ചിലില്‍ മാത്രമല്ല, കണക്കുകളിലും ഷവോമി തന്നെയാണ് ബഹുദൂരം മുന്നില്‍. 2018 ലെ ആദ്യ പാദത്തില്‍ മറ്റ് സമാര്‍ട്ട് ഫോണ്‍ കമ്പനികളെ പിന്നിലാക്കി ഷവോമി ഒന്നാമതെത്തി. സാംസങിനെ പിന്നോട്ട് വിഴ്ത്തിയായിരുന്ന ഷവോമിയുടെ കുതിപ്പ്. എന്നാല്‍ ഇപ്പോള്‍ ഷവോമിയുടെ വിലക്കുറവിനെ തന്നെ കടത്തി വെട്ടി പുത്തന്‍ ഫോണുമായി രംഗം പിടിക്കാനൊരുങ്ങുകയാണ് ഒപ്പോ.

ഇന്ത്യന്‍ വിപണിയില്‍ ലഭ്യമായതില്‍ വച്ച് ഏറ്റവും കുറഞ്ഞ വിലയില്‍ 6 ജിബി റാം ഫോണ്‍ ‘റിയല്‍ മീ വണ്‍’ അവതരിപ്പിച്ചിരിക്കുകയാണ് ഒപ്പോ. മൂന്ന് ജിബി, ആറ് ജിബി വേരിയെന്റുകളിലാണ് ഫോണ്‍ അവതരിപ്പിച്ചിരിക്കുന്നത്. മൂന്ന് ജിബി 32 ജിബി വേരിയന്റിന് 8,990 രൂപയും ആറ് ജിബി 128 ജിബി വേരിയന്റിന് 13,990 രൂപയുമാണ് വില. മറ്റ് കമ്പനികള്‍ വിപണിയില്‍ ഇറക്കിയിട്ടുള്ള 6 ജിബി ഫോണുകളേക്കാള്‍ വന്‍ വിലക്കുറവാണ് റിയല്‍ മീ വണ്ണിന്.

ആറിഞ്ച് ഫുള്‍ എച്ച്ഡിയാണ് ഡിസ്പ്ലേ. 13 മെഗാപിക്സല്‍ പിന്‍ ക്യാമറയും എട്ട് മെഗാപിക്സല്‍ പിന്‍ ക്യാമറയും ഫോണിനുണ്ട്. 6 ജിബി റാമും 128 ജിബി ആന്തരിക സംഭരണ ശേഷിയോടൊപ്പം 256 ജിബി മെമ്മറി കാര്‍ഡ് ഉപയോഗിക്കുകയും ചെയ്യാം. 3410 mAh ആണ് ബാറ്ററി. മുഖം നോക്കി ഒരു സെക്കന്റിന്റെ പത്തിലൊന്ന് സമയം മാത്രമെടുത്ത് ഫോണ്‍ അണ്‍ലോക്ക് ചെയ്യാന്‍ സാധിക്കുമെന്നാണ് കമ്പനി പറയുന്നത്. ഫിംഗര്‍ പ്രിന്റ് സ്‌കാനര്‍ ഇല്ലെന്നുള്ളതാണ് ഒരു പോരായ്മ. മെയ് 25-ാം തിയതി ഉച്ചയ്ക്ക് 12 മണിയ്ക്ക് ആമസോണ്‍ വഴി ഫോണ്‍ വില്‍പ്പനയ്ക്ക് എത്തും.

Advertisement