യുവാക്കളുടെ മനം മയക്കിയ ഇന്ത്യയിലെ വ്യാജസുന്ദരി ! ആരാണ് നൈന ?

എഐ അഥവാ ആർട്ടിഫിഷ്യൽ ഇന്റലിജൻസ് ലോകത്തെ പല തരത്തിൽ മാറ്റാനൊരുങ്ങുകയാണ്. ലോകത്ത് എഐ വളരെയധികം ശ്രദ്ധ നേടിക്കൊണ്ടിരിക്കുന്നതിനാൽ എഐ പ്രൊഫഷണലുകളുടെ ആവശ്യകതയും വർധിച്ചു വരികയാണ്. നിർമിത ബുദ്ധിയിൽ ലോകത്തിലെ ഒന്നാം സ്ഥാനം കരസ്ഥമാക്കാനുള്ള ശ്രമങ്ങളുമായി രംഗത്ത് വരാനൊരുങ്ങുകയാണ് ഇന്ത്യ. രാജ്യത്തെ ആദ്യത്തെ എഐ സൂപ്പർസ്റ്റാർ ആയ നൈന ഇതിന് ഉദാഹരണമാണ്.

2022-ൽ AML (അവതാർ മെറ്റ ലാബ്‌സിലെ) എഐ പ്രൊഫഷണലുകളാണ് നൈന എന്ന എഐ അവതാറിനെ സൃഷ്ടിച്ചത്. മുംബൈയിൽ താമസിക്കുന്ന ഒരു ഫാഷൻ മോഡലായാണ് നൈന പരിചയപ്പെടുത്തിയിരിക്കുന്നത്. ഇന്ത്യയിലെ ആദ്യത്തെ എഐ സൂപ്പർസ്റ്റാറായി ഉയർന്നു കഴിഞ്ഞു എന്നതിന്റെ തെളിവാണ് ഇൻസ്റ്റാഗ്രാമിൽ രണ്ട് ലക്ഷത്തിലധികമുള്ള ഫോളോവെർസ്.

ഇൻസ്റ്റാഗ്രാം ബയോ അനുസരിച്ച്, ഉത്തർപ്രദേശിലെ ഝാൻസി എന്ന ചെറുപട്ടണത്തിൽ നിന്നുള്ള 22 വയസുകാരിയാണ് നൈന. ഒരു ഇന്ത്യകാരിയായാണ് എഐ പ്രൊഫഷണലുകൾ നൈനയെ നിർമിച്ചിരിക്കുന്നത്. നൈനയുടെ നടപ്പും ചിരിയുമൊക്കെ കണ്ടാൽ പെട്ടെന്ന് ഒരു എഐ അവതാർ ആണെന്ന് മനസിലാകില്ല എന്നതാണ് പ്രത്യേകത. അത്രയും റിയലിസ്റ്റിക് ആയിട്ടാണ് നൈനയെ ഇവർ സൃഷ്ടിച്ചിരിക്കുന്നത്.

ഫിറ്റ്‌നസും ഫാഷൻ ടിപ്പുകളും പങ്കിടുന്ന നൈന ട്രെൻഡിംഗ് ഗാനങ്ങളിലുള്ള നൃത്തം, ഫാഷൻ ഫോട്ടോ ഷൂട്ടുകൾ, മോഡലിംഗ്, യാത്രകൾ, ബ്രാൻഡുകളുമായി സഹകരിച്ചുള്ള വീഡിയോകളുടെ ചിത്രങ്ങളും വീഡിയോകളും പോസ്റ്റ് ചെയ്യാറുണ്ട്.

നൈക, പ്യൂമ, പെപ്‌സി തുടങ്ങി ലോകോത്തര ഫാഷൻ ബ്രാന്ഡുകളുമായും ഭക്ഷണ ബ്രാൻഡുകളുമായി സഹകരിച്ച് മാർക്കറ്റിംഗ് ലോകത്ത് നൈന തൻ്റെ സ്വാധീനം തെളിയിച്ചിരിക്കുകയാണ്. നൈനയുടെ അതുല്യമായ യാത്ര വിപണനത്തിൻ്റെ ഒരു പുതിയ യുഗത്തിന് തുടക്കമിടുമെന്നാണ് AML-ൻ്റെ സിഇഒയും സഹസ്ഥാപകനുമായ അഭിഷേക് റസ്ദാൻ പ്രതീക്ഷിക്കുന്നത്.

‘ദി നൈന ഷോ’ എന്ന ഷോ ലോഞ്ച് ചെയ്ത് നൈന ആരാധകരെ ഞെട്ടിക്കുകയും ചെയ്തിരുന്നു. രാജ്യത്തെ ആദ്യത്തെ എഐ ഡ്രൈവ് പോഡ്‌കാസ്റ്റ് സീരീസ് എന്ന നിലയിൽ ഡിജിറ്റൽ വിനോദ മേഖലയിൽ ഇന്ത്യയെ ശക്തമായ ഒരു മത്സരാർത്ഥിയാക്കാൻ നൈനയുടെ ഈ പോഡ്കാസ്റ്റ് ചുവടുവച്ചു കഴിഞ്ഞു.

മനുഷ്യരുടെ റിയലിസ്റ്റിക് സ്വഭാവങ്ങളും സവിശേഷതകളും വ്യക്തിത്വങ്ങളുമുള്ള സാങ്കൽപ്പിക കമ്പ്യൂട്ടർ ജനറേറ്റഡ് അവതാർ ആണ് വെർച്വൽ ഇൻഫ്ലുൻസർസ്. ഇത് ആദ്യമായല്ല ഒരു എഐ അവതാർ വെർച്വൽ ഇൻഫ്ലുൻസർ ആകുന്നത്. സോഷ്യൽ മീഡിയ ഉപയോഗിക്കുന്നവരിൽ 58 ശതമാനവും കുറഞ്ഞത് ഒരു വെർച്വൽ ഇൻഫ്ലുവൻസറെയെങ്കിലും ഫോള്ളോ ചെയ്യുന്നുണ്ട് എന്നാണ് കണക്കുകൾ പറയുന്നത്.

നൈനയെ പോലെ നിരവധി എഐ അവതാറുകൾ ഇന്ന് സോഷ്യൽ മീഡിയയിൽ മറ്റേതൊരു ഇൻഫ്ലുൻസറെ പോലെയും മുന്നോട്ട് പോകുന്നുണ്ട്. മാത്രമല്ല, ലക്ഷകണക്കിന് ആരാധകരും ഇവർക്കുണ്ട്. നിലവിൽ രാജ്യത്തുള്ള മോഡലുകൾക്ക് ഒരു എതിരാളി ആയി നൈന മാറിയേക്കാം എന്നും ചിന്തിക്കേണ്ടിയിരിക്കുന്നു

ലോകം മാറി മറിയുന്നതിന്റെ ഉത്തമോദാഹരണമായി മാറിയിരിക്കുകയാണ് എഐ അഥവാ ആർട്ടിഫിഷ്യൽ ഇന്റലിജൻസ്. അത്യാധുനിക സാങ്കേതിക വിദ്യകൾ ഉപയോഗിച്ച് പലതരം മായകാഴ്ചകളാണ് നമ്മൾ ദിനംപ്രതി കാണുന്നത്.

ഈയിടെ സോഷ്യൽ മീഡിയയിലൂടെ കണ്ടുകൊണ്ടിരിക്കുന്ന എഐ ചിത്രങ്ങളും ഡീപ് ഫേക്ക് വീഡിയോകളും എല്ലാം ഇതിന് ഉദാഹരണമാണ്. എന്നാൽ ഇവയെല്ലാം കണ്ട് ഒരു വശത്ത് ആളുകൾ കയ്യടിക്കുമ്പോൾ മറ്റൊരു വശത്ത് എഐയുടെ ദൂഷ്യഫലങ്ങൾ ആളുകൾ അനുഭവിച്ചു തുടങ്ങി കഴിഞ്ഞു എന്നതും മറ്റൊരു സത്യമാണ്. എന്തായാലും ക്രിയേറ്റിവിറ്റിയുടെ അങ്ങേയറ്റമാണ് എഐ നമുക്ക് തിരിച്ചു തരുന്നത് എന്നത് ഇതിലൂടെ നമുക്ക് മനസിലാക്കാം.

Latest Stories

'എക്‌സ്' ഉള്‍പ്പെടെയുള്ള കുടുംബാംഗങ്ങളുമായി ഇലോണ്‍ മസ്‌ക്കെത്തി; ബ്ലെയര്‍ ഹൗസില്‍ പ്രധാനമന്ത്രിയുമായി കൂടിക്കാഴ്ച്ച; വമ്പന്‍ പ്രഖ്യാപനങ്ങള്‍ കാത്ത് രാജ്യം

മോദി എന്റെ ഉറ്റസുഹൃത്ത്; ഭീകരന്‍ തഹാവൂര്‍ റാണയെ ഇന്ത്യയ്ക്ക് കൈമാറുമെന്ന് ട്രംപ്; ഇന്ത്യയും യുഎസും ഒരുമിച്ച് പ്രവര്‍ത്തിക്കുമെന്ന് പ്രധാനമന്ത്രി

ശബരിമല തീര്‍ത്ഥാടകര്‍ സഞ്ചരിച്ച വാഹനം ബസുമായി കൂട്ടിയിടിച്ചു; മൂന്നുപേര്‍ മരിച്ചു; അഞ്ച് പേരുടെ നില ഗുരുതരം

ചാമ്പ്യൻസ് ട്രോഫി 2025: ഋഷബ് പന്ത് ബെഞ്ചിൽ ഇരിക്കട്ടെ, അതാണ് ഇപ്പോൾ നല്ലത്: ഗൗതം ഗംഭീർ

ട്രംപ് - മോദി കൂടിക്കാഴ്ച:അനധികൃത കുടിയേറ്റം ആരോപിച്ച് ഇന്ത്യക്കാരെ നാടുകടത്തിയതിൽ പ്രതിഷേധം അറിയിക്കുമോ?

അയാൾ ഒരു വലിയ സിഗ്നൽ തന്നിട്ടുണ്ട്; രാജകീയ തിരിച്ച് വരവിന് തയ്യാറെടുത്ത് ജസ്പ്രീത് ബുംറ

ഞാൻ മെസിയെ വീണ്ടും നേരിടാൻ തയ്യാർ, ആ മത്സരത്തിനായി കാത്തിരിക്കുന്നു: സെർജിയോ റാമോസ്

പുതിയ മുഖ്യമന്ത്രിയെ തിരഞ്ഞെടുക്കാനായില്ല; മണിപ്പൂരില്‍ രാഷ്ട്രപതി ഭരണം ഏര്‍പ്പെടുത്തി

റൊണാൾഡോ അദ്ദേഹത്തിന്റെ കരിയർ മികച്ചതാക്കാൻ വേണ്ടി മുടക്കിയ പണത്തിന് കൈയും കണക്കുമില്ല: മുൻ റയൽ മാഡ്രിഡ് താരത്തിന്റെ വാക്കുകൾ ഇങ്ങനെ

സംസ്ഥാനത്ത് നാളെ താപനില സാധാരണയെക്കാള്‍ ഉയരാന്‍ സാധ്യത; ജാഗ്രത നിര്‍ദ്ദേശം പുറപ്പെടുവിച്ച് കേന്ദ്ര കാലാവസ്ഥാ വകുപ്പ്